Самар ауданында «Мөлдір бұлақ» бастамасы аясында экологиялық акция өтті

Самар ауданында Мемлекет басшысы жариялаған және «Таза Қазақстан» бастамасының жалғасы ретінде жүзеге асырылып жатқан «Мөлдір бұлақ» республикалық экологиялық акциясын қолдау жұмыстары жалғасуда.
Акция аясында аудан мен ауылдық әкімдіктердің мемлекеттік қызметкерлері, аудан әкімі Серік Жеңісовтың жетекшілігімен коммуналдық қызметтермен бірге ауданның көрікті жері әрі тұрғындар мен қонақтар жиі баратын демалыс орны саналатын бұлақты тазарту жұмыстарын жүргізді.
— Мұндай жұмыстарды жылына бір рет жасау жеткіліксіз. Табиғатқа қамқорлық әрқайсымыздың күнделікті ісімізден басталады. Қазір көктем, қар еріп жатыр, сондықтан су өткізу құбырларының, арықтардың және бұлақтардың таза болуы өте маңызды. Бұл су басулардың алдын алуға көмектеседі. Барлық тұрғындарды бейжай қалмауға, бірге тазалық пен тәртіпті сақтауға шақырамын. Бұл — біздің ортақ үйіміз, және оның қандай болатыны тек бізге байланысты, — деді Серік Жеңісов.
Сонымен бірге аудандық деңгейде тасқындардың алдын алу бойынша жүйелі жұмыстар жүргізілуде. Төтенше жағдайлар бөлімінің мәліметінше, бүгінгі күнге дейін елді мекендердің су басу қаупі жоқ, қажетті барлық шаралар қабылданған.
Аудандық резервте инертті материалдар салынған сөмкелер, отын-май материалдары, сонымен қатар мотопомпалар мен генераторлар жеткілікті мөлшерде бар.
Мүмкін болатын төтенше жағдайларда зардап шеккен тұрғындарды қабылдау үшін аудан аумағында 9 қабылдау пункті анықталған, жалпы сыйымдылығы 1 150 адам. Тасқын қаупі бар Самар және Миролюбовка ауылдарында қабылдау және жинақтық эвакуациялық пункттер қарастырылған.
Сонымен қатар, аудандық әкімдік шағын бизнестің 5 өкілімен үш мезгілдік тамақ ұйымдастыру, бірінші қажеттіліктегі азық-түлік пен тұрмыстық заттармен қамтамасыз ету бойынша келісімдер жасаған.
Аудан мен облыстың жол ұйымдарымен табиғи сипаттағы төтенше жағдайлардың алдын алу және салдарын жою мәселелерінде ынтымақтастық меморандумдары да қол қойылған.
Тасқын кезеңінің қауіпсіз өтуін қамтамасыз ету мәселелері аудан әкімдігінің және ауылдық округтердің басшылығының тұрақты бақылауында.