Самар ауданында ерекше және дарынды балаларға арналған жаңа жылдық шырша өтті

Самар ауданында дарынды балалар мен ерекше білім беру қажеттіліктері бар балаларға арналған мерекелік жаңа жылдық шырша болып өтті. Іс-шараға аудан әкімі Серік Жеңісов қатысып, мерекелік көңіл күйге бөленген бүлдіршіндермен жылы лебізін бөлісті.

Мереке ауданның әр түкпірінен жиналған балаларды бір шаңырақ астында біріктіріп, олар үшін нағыз қысқы ғажайыпқа айналды. Балаларды жарқын концерттік бағдарлама, ертегі кейіпкерлері, ойындар мен қызықты байқаулар, сондай-ақ көптен күткен сыйлықтар қуантты.

Жаңа жылдық шырша балаларға шаттыққа, мейірімге және мерекелік көңіл-күйге толы сәттер сыйлап, Жаңа жыл қарсаңындағы есте қаларлық, жылы мерекелік оқиғаға айналды.