Аудан әкімі аппаратының басшысы жер қатынастары саласындағы сыбайлас жемқорлыққа қарсы күрес және құқық бұзушылықтардың алдын алу мәселелері бойынша жиналыс өткізді

Самар ауданында аудан әкімінің аппараты басшысы, әдеп жөніндегі уәкіл Рауан Жампеісовтың және аудан прокуратурасының аға прокуроры, әділеттің кіші кеңесшісі Серік Смагзамовтың төрағалығымен жер қатынастары саласындағы сыбайлас жемқорлықтың алдын алу және заңбұзушылықтарға қарсы іс-қимыл мәселелеріне арналған жиналыс өтті.
Жиналысқа ауылдық округ әкімдері, бөлім басшылары мен аудан әкімдігі аппаратының мамандары қатысты.
Қатысушыларға заңнаманың негізгі талаптары түсіндіріліп, жер қатынастары саласында көрсетілетін мемлекеттік қызмет түрлері туралы ақпарат берілді.
Сонымен қатар, электронды өзара іс-қимыл жүйесінің маңыздылығы атап өтілді — бұл тәсіл ашықтықты қамтамасыз етіп, сыбайлас жемқорлық тәуекелдерін азайтады.
Кездесу барысында жиі кездесетін бұзушылықтар мен олардың алдын алу шаралары да талқыланды.