БЖЗҚ жарналардың 3 түрін – міндетті зейнетақы жарналарын (МЗЖ), міндетті кәсіптік зейнетақы жарналарын (МЗЖ) және ерікті зейнетақы жарналарын қабылдайды. «Қазақстан Республикасында зейнетақымен қамсыздандыру туралы» Қазақстан Республикасының Заңына сәйкес міндетті зейнетақы жарналарының мөлшерлемесі міндетті зейнетақы жарналарын есептеу үшін қабылданған ай сайынғы кірістің 10 пайызы мөлшерінде белгіленді; Міндетті кәсіптік зейнетақы жарналарының мөлшерлемесі ай сайынғы табыстың 5 пайызы мөлшерінде белгіленді.
«БЖЗҚ» АҚ құрылтайшысы және акционері Қазақстан Республикасы Қаржы министрлігінің Мемлекеттік мүлік және жекешелендіру комитеті атынан Қазақстан Республикасының Үкіметі болып табылады. «БЖЗҚ» АҚ акцияларының мемлекеттік пакеті Қазақстан Республикасы Ұлттық Банкінің сенімгерлік басқаруында. «БЖЗҚ» АҚ зейнетақы активтерін басқаруды Қазақстан Республикасының Ұлттық Банкі Қазақстан Республикасы Президентінің жанындағы Зейнетақы активтерін басқару жөніндегі кеңеспен бірлесіп жүзеге асырады.