Құрметті Риддер қаласының тұрғындары!

Сізді Риддер қаласы әкімдігінің 2021 жылғы 18 қарашадағы  № 954 «Риддер қаласының аумағында стационарлық емес сауда объектілерін орналастыру орындарын айқындау және бекіту туралы» қаулысына өзгеріс енгізу туралы жобаны талқылауға қатысу үшін шақырамыз

Талқылау сілтемесі: : https://legalacts.egov.kz/npa/view?id=15197249

 

Риддер қаласы әкімдігінің 2021 жылғы 18 қарашадағы  № 954 «Риддер қаласының аумағында стационарлық емес сауда объектілерін орналастыру орындарын айқындау және бекіту туралы» қаулысына өзгеріс енгізу туралы

 

Риддер қаласының әкімдігі ҚАУЛЫ ЕТЕДІ:

1. Риддер қаласы әкімдігінің 2021 жылғы 18 қарашадағы № 954 «Риддер қаласының аумағында стационарлық емес сауда объектілерін орналастыру орындарын айқындау және бекіту туралы» қаулысына (Нормативтік құқықтық актілерді мемлекеттік тіркеу тізілімінде № 25338 болып тіркелген) мынадай өзгеріс енгізілсін:

осы қаулының кіріспесі жаңа редакцияда жазылсын:

«Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31-бабы 1-тармағының 4-2) тармақшасына, Қазақстан Республикасы Ұлттық экономика министрінің міндетін атқарушының 2015 жылғы 27 наурыздағы № 264 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11148 болып тіркелген)   Ішкі сауда қағидаларының 73-тармағына сәйкес Риддер қаласының  әкімдігі ҚАУЛЫ ЕТЕДІ:».

2. Осы қаулының орындалуын бақылау жетекшілік ететін Риддер қаласы әкімінің орынбасарына жүктелсін.
3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Риддер қаласының әкімі                                                           Д. Рахметкалиев