Еңбек тапшылығы бар өңірлерді жұмыс күшімен қамтамасыз ету, өңірлік теңгерімсіздіктер мен демографиялық теңгерімсіздіктерді

Еңбек тапшылығы бар өңірлерді жұмыс күшімен қамтамасыз ету, өңірлік теңгерімсіздіктер мен демографиялық теңгерімсіздіктерді жою мақсатында "Қуатты өңірлер - елді дамытудың драйвері" ұлттық жобасы шеңберінде ерікті қоныс аударуға жәрдемдесу есебінен еңбек ресурстарының аумақтық ұтқырлығы ынталандырылады.

Еңбекке артық өңірлерге Алматы, Жамбыл, Маңғыстау, Түркістан, Қызылорда облыстары, Жетісу облысы және Астана, Алматы және Шымкент қалалары жатады.

 Ерікті қоныс аударушыларға мынадай мемлекеттік қолдау шаралары көрсетіледі:

 1) қызметкердің көшуі жұмыс берушінің қаражаты есебінен жүзеге асырылатын жағдайларды қоспағанда, адамдарға және олардың отбасы мүшелеріне материалдық көмек көрсету;

 3) жұмыс берушінің қажеттілігі болған кезде кәсіптік оқыту;

 4) жаңа тұрғылықты жерінде жұмысқа орналасуға және кәсіпкерлік бастамаға жәрдемдесу;

 5) жұмысқа орналасуға субсидиялар бере отырып, жұмыс күшінің ұтқырлығын арттыру үшін ерікті қоныс аудару шараларына қатысатын жұмыс берушілерде жұмысқа орналасуға жәрдемдесу.

Материалдық көмек түрлері:

1. Көшуге арналған шығыстарды өтеу – бір уақытта бір басшыға және отбасының әрбір мүшесіне 70 АЕК мөлшерінде жүзеге асырылады.
2. Тұрғын үйді жалдау (жалға алу) және коммуналдық қызметтерді төлеу жөніндегі шығыстарды өтеу тұрғын үй сатып алынғанға дейін ай сайын, бірақ он екі айдан аспайтын мынадай мөлшерде ұсынылады:

бір адам үшін 20 АЕК мөлшерінде;

отбасы мүшелерінің саны екіден төртке дейін болғанда 25 АЕК мөлшерінде;

отбасы мүшелерінің саны бес және одан көп болған кезде 30 АЕК мөлшерінде;

3. Экономикалық ұтқырлық сертификаты-Қазақстан Республикасының Ұлттық Банкі бекіткен ипотекалық бағдарлама шеңберінде тұрғын үй сатып алу кезінде тұрғын үй сатып алу, салу немесе ипотекалық тұрғын үй қарыздары бойынша бастапқы жарна және (немесе) мемлекеттік жоспарлау жүйесінің құжаттары үшін ақшалай төлем нысанында материалдық көмек. Экономикалық ұтқырлық сертификаты келу өңірінде тұрақты тұратын елді мекенде тұрғын үй сатып алу кезінде және тұрғын үй құнының 50% мөлшерінде, бірақ 1 160 АЕК-тен аспайтын мөлшерде ұсынылады.

Жыл басынан Риддер қаласына ерікті қоныс аудару бағдарламасы аясында 43 адам көшіп келді. Оның ішінде еңбекке қабілетті жастағы 28 адам. Оның ішінде 22 адам тұрақты және уақытша жұмыс орындарына орналастырылды. Көшуге 10 143 мың теңге көлемінде материалдық көмек, тұрғын үй сатып алуға 36000 теңге мөлшерінде 9 сертификат және тұрғын үй жалдау бойынша шығыстарды өтеуге 3830 мың теңге материалдық көмек төленді.