Қазақстан халқы Ассамблеясының 2022-2026 жылдарға арналған даму тұжырымдамасын іске асыру

Қазақстан халқы Ассамблеясының 2022-2026 жылдарға арналған даму тұжырымдамасын іске асыру, қазақтың біртуар тұлғасы М.Жұмабаевтың 130 жылдық мерейтойына арналған жалпықазақстандық ашық диктанты 2023 жылғы 5 қыркүйекте өтеді.

Мақсаты: мемлекеттік тілдің Қазақстан халқын біріктіруші фактор ретінде қоғамдағы рөлін нығайту.

Міндеттері:

- диктантқа қатысушыларға  мемлекеттік тілде сауатты жазу деңгейін тексеруге мүмкіндік беру;

- сауатты жазудың маңыздылығына назар аударту;

- этносаралық қатынас тілі ретінде мемлекеттік тілдің қолданыс аясын кеңейту арқылы қазақстандық бірегейлікті қалыптастыруға, қоғамдық келісім мен ел бірлігін нығайтуға атсалысу.

Диктантқа қатысушылар:

- жастар ұйымдарының өкілдері;

- мемлекеттік және азаматтық қызметшілер;

- студенттер, оқушылар;

- этномәдени бірлестіктердің өкілдері;

- азаматтық қоғам өкілдері;

- барлық ниет білдірушілер.

Күтілетін нәтижелер:

- Қазақстан азаматтарының мемлекеттік тілді меңгеру деңгейін арттыруға ықпал ету;

- мемлекеттік тілді меңгеру  ұлтты ұйыстыру жолындағы айрықша маңызды қадам екенін жастардың санасында орнықтыру;

- мемлекеттік тілдің қолданылу аясын кеңейту және оның қоғамдық маңызын арттыру;

- мемлекеттік тілді меңгеру  арқылы  жастарға қазақстандық қоғамда өз орнын табу мүмкіндігін көрсету;

- жалпы сауаттылықты арттыруға атсалысу.