Салтанат Тұрсынбекова президенттікке кандидат болып тіркелді

Салтанат Тұрсынбекова 20 қарашада өтетін сайлауда Президенттікке кандидат ретінде тіркелді, деп хабарлайды Тілші Tengrinews.kz.

"ОСК қаулысымен белгіленген осы Президенттікке кандидатты қолдауға қажетті сенімді қолдардың саны 118 273-тен кем емес. Аумақтық сайлау комиссияларының хаттамаларына сәйкес кандидат Салтанат Пархатқызы Тұрсынбекованы қолдауға сенім білдірілген тұлғалар Қазақстанның 18 өңірінде 119 316 азаматтың қолын жинады. Оның ішінде 118 434 қол сенімді деп танылды", - деді ОСК мүшесі Асылбек Смағұлов.

Ол лингвистикалық комиссияның 12 қазандағы қорытындысы бойынша Салтанат Тұрсынбекова мемлекеттік тілді еркін меңгергенін түсіндірді

"Салтанат Тұрсынбекованы тіркеуге қажетті барлық құжаттар ОСК-ға ұсынылған және оларға қойылған талаптарға толық сәйкес келеді. Жоғарыда айтылғандардың негізінде кандидатты тіркеу үшін құжаттарды ұсыну туралы хаттама дайындалды.

ОСК мүшелері хаттамаға бұрыштама қояды, сондай - ақ 2022 жылғы 20 қарашаға тағайындалған кезектен тыс сайлауда Президенттікке кандидат Салатанат Тұрсынбекованы тіркеу туралы ОСК қаулысының жобасы дайындалды", - деп қорытындылады Смағұлов.

ОСК мүшелері кандидатты тіркеуге дауыс берді.

Естеріңізге сала кетейік, Салтанат Тұрсынбекова "Қазақ талдары - дәстүрге жол"республикалық қоғамдық бірлестігінен президенттікке кандидат болып ұсынылды.

Әр жылдары Тұрсынбекова мемлекеттік құрылымдарда, Жоғарғы сотта жұмыс істеді, Астана қоғамдық кеңесінің белсенді мүшесі, сондай-ақ "отбасында зорлық-зомбылықсыз Қазақстан"жобасының жетекшісі болып табылады.