Құрметті қала тұрғындары! Құрметті балалар!

Сіздерді Халықаралық балаларды қорғау күнімен шын жүректен құттықтаймын!

Балаларды қорғау күні олардың өмірін соғыстан қорғау, денсаулығын сақтау, болашақ ұрпаққа демократиялық негізде білім мен тәрбие беру жөніндегі барша әлемдегі озық пікірлердің тоғысқан арнасы десек, артық айтқандық емес. Біздің Президент Қасым-Жомарт Тоқаев 2022 жылды балалар жылы деп жариялады, өйткені олардың әл-ауқаты мемлекетіміздің табысты болашағының сенімді кепілі. Өскелең ұрпақтың үйлесімді дамуы және бақытты балалық шағы-бұл біздің жалпыұлттық міндетіміз. Мемлекет отбасылардың амандығы мен отбасылық құндылықтарды нығайту, ана мен баланы қорғау, балалардың панасыз және қадағалаусыз қалуын жою үшін бірқатар шараларды іске асырады. Мүмкіндігі шектеулі балаларға ерекше көңіл бөлінеді. Спортпен шұғылдану және білім алу үшін барлық жағдай жасалуда.

Отбасыларыңыз берік, мықты, сенімді және сүйіспеншілікке толы болсын. Балалардың күлкілері сыңғырлап, армандары орындалсын!

Риддер қаласының әкімі Д. Горьковой