«Риддер-Адалдық Алаңы» жобалық кеңсесі Риддер қалалық санитарлық-эпидемиологиялық бақылау басқармасының басшысы

«Риддер-Адалдық Алаңы» жобалық кеңсесі Риддер қалалық санитарлық-эпидемиологиялық бақылау басқармасының басшысы Гульмира Жылкамановна Мрзагарайеваның қатысуымен тікелей эфир ұйымдастырды.

Тікелей эфир барысында басқарма басшысы Риддер қаласындағы эпидемиологиялық жағдай, Covid-19 аурушаңдығының көрсеткіштері және вакцина алудың маңыздылығы туралы айтып берді.

Бүгінгі таңда Риддер қаласында Covid-19 ауруының 787 жағдайы тіркелген.Оның ішінде 623 немесе 74,6% клиникалық белгілері бар, 164 немесе 25,4% симптомсыз.
Covid-19 диагнозы қойылған адамдардың жалпы санының азаюына қарамастан,егде жастағы риддерліктер арасында сырқаттанушылықтың өсуі алаңдаушылық туғызады. Егер жазғы кезеңде сырқаттанушылықтың орташа деңгейі 20-25% құраса, қыркүйекте бұл көрсеткіш 30% - ға дейін өсті. Сонымен қатар, эпидемиологиялық тергеу мәліметтері инфекцияның жақын байланыстар арқылы таралатындығын көрсетеді, әдетте бұл балалармен және немерелермен байланыс.

Эфир соңында қаланың бас санитарлық дәрігері қала тұрғындарына шектеу шараларын сақтау, егер жіті респираторлық вирустық инфекциялардың белгілері болса, үй карантинін сақтау, сондай-ақ вакцинациядан өту туралы өтінішпен жүгінді. Себебі бүгінгі күні вакцинация коронавирустық инфекциямен күресу үшін тиімді шара болып табылады.

Сондай-ақ, басқарма басшысы Шығыс Қазақстан облысының бас санитарлық дәрігерінің қаулысымен бекітілген соңғы өзгерістер туралы хабардар етті.