«Шығыс – Адалдық Алаңы»

Риддер қаласының «Шығыс – Адалдық Алаңы» жобасы шеңберінде әкімнің штаттан тыс кеңесшісі, «Риддер - Адалдық Алаң»  жобалық кеңсесінің басшысы және АМТ төрағасы білім беру мектептерінің Қамқоршылық кеңестерінің жұмысына мониторинг жүргізді.

Қамқоршылық кеңестердің қызметі ҚР БҒМ министрінің 2017 жылғы 27 маусымдағы  №355 «Білім беру ұйымдарында қамқоршылық кеңестің жұмысын ұйымдастырудың және оны сайлау тәртібінің үлгілік қағидаларын бекіту туралы» бұйрығына сәйкес ұйымдастырылған.

Қамқоршылық кеңестердің қызметі әр түрлі мәселелерді шешуге бағытталған, соның ішінде:

            - бюджеттен тыс қаражаттың жұмсалуын бақылау;

            - оқушыларға қосымша білім беру бағдарламаларын жүзеге асыру;

            - аз қамтылған отбасылардан шыққан балаларға материалдық қолдау көрсету;

            - оқушылардың тамақтануын ұйымдастыру;                 

            - әртүрлі іс-шараларды өткізу: білім беру, дене шынықтыру-сауықтыру, спорттық-бұқаралық, әлеуметтік-мәдени;

            - қорлармен және өзге де қаржы ұйымдарымен ынтымақтастық.