Қазақстан Республикасы Тәуелсіздігінің 30 жылдығын мерекелеуге Риддер қаласында 12 тақырыптық бағытқа бөлінген іс-шаралар жоспары әзірленді және бекітілді

Қазақстан Республикасы Тәуелсіздігінің 30 жылдығын мерекелеуге Риддер қаласында 12 тақырыптық бағытқа бөлінген іс-шаралар жоспары әзірленді және бекітілді. Ақпан айының тақырыбы "Қазақстан-спорттық ұлт".
Осы тақырып аясында Риддер қаласында спорттық іс-шаралар, оның ішінде онлайн форматта ұйымдастырылады және өткізіледі.
Риддер қаласында тұрақты негізде бұқаралық спортты дамыту бойынша жұмыс жүргізілуде. Риддер қаласының балалар-жасөспірімдер спорт мектебі, "Қысқы спорт түрлері бойынша олимпиада резервінің мамандандырылған балалар-жасөспірімдер спорт мектебінің" филиалы, республикалық спорт мектеп-интернаты және олимпиада резервінің колледжі жұмыс істейді. Дене шынықтырумен және спортпен жүйелі түрде айналысатын 18 жасқа дейінгі балалар мен жасөспірімдерді қамту 7425 адамды құрады. Жыл сайын дене шынықтырумен және спортпен жүйелі түрде айналысатындардың саны артып келеді, ол 17570 адамды немесе қала халқының жалпы санының 31,0% - ын құрайды.
Балалар-жасөспірімдер спорт мектебінде спорттың 22 түрі бойынша секциялар жұмыс істейді: баскетбол, футбол, дзюдо, жеңіл атлетика, волейбол, тоғыз құмалақ, еркін күрес, есу слаломы, бокс, шахмат, сноуборд, көркем гимнастика, тау шаңғысы спорты, гандбол, шайбалы хоккей, велоспорт, армрестлинг, қазақша күрес, үстел теннисі, шаңғы жарысы, ауыр атлетика, каратэ. ШҚО ОРМБЖМ қысқы спорт түрлері бойынша шаңғы жарыстары, тау шаңғысы, сноуборд және биатлон, шаңғы қоссайысы бөлімшелері жұмыс істейді. РСШИКОР-да мына бөлімдер жұмыс істейді: шаңғы жарысы, биатлон, тау шаңғысы, фристайл, жеңіл атлетика.
2021 жылды біздің спортшылар өте белсенді бастады. Санитарлық-дезинфекциялық режимді қатаң сақтауды міндетті түрде сақтай отырып, облыстық чемпионаттарды өткізуге, оқу-жаттығу жиындарын ұйымдастыруға рұқсат алынды. Қаңтар-ақпан айларында Риддер қаласының спортшылары жеңіл атлетикадан ҚР Ашық Чемпионатына қатысты, онда Риддер қаласының спортшылары 9 алтын, 1 күміс, 3 қола медаль жеңіп алды. Боксшылар Аягөз қаласында өткен оқу-жаттығу жиынына қатысты. Өскемен қаласында әуесқой командалар арасында шағын футболдан Чемпионат басталды.
20 ақпанда Риддер қаласында "Сокол" стадионында Қазақстан Республикасы Тәуелсіздігінің мерейтойына арналған мұздағы спидвейден Қазақстан Республикасының Кубогы өтеді.