ШҚО құрылыс, сәулет және қала құрылысы басқармасының заң бөлімі туралы ереже

1. Жалпы ережелер

1. Заң бөлімі (бұдан әрі мәтін бойынша – бөлім) "ШҚО құрылыс, сәулет және қала құрылысы басқармасы" мемлекеттік мекемесінің құрылымдық бөлімшесі болып табылады.
2. Бөлім туралы ережені, оның құрылымын, штат санын және қызметкерлер арасында міндеттерді бөлуді басқарма басшысы бекітеді.
3. Бөлім өз жұмысында Қазақстан Республикасының қолданыстағы заңнамасын, Шығыс Қазақстан облысы әкімдігінің қаулыларын, Шығыс Қазақстан облысы әкімінің шешімдері мен өкімдерін, Басқарманың бұйрықтарын, сондай-ақ осы Ережені басшылыққа алады.

2. Бөлімнің негізгі міндеттері мен функциялары

1) Мемлекеттік орган қызметінің құқықтық мәселелерін қарау кезінде сотта, сондай-ақ басқа да ұйымдарда белгіленген тәртіппен мемлекеттік органның мүдделерін білдіреді;

2) Қазақстан Республикасының Үкіметі айқындайтын тәртіппен мемлекеттік органда нормативтік құқықтық актілердің мониторингін жүргізуді тұрақты негізде үйлестіреді;

3) мемлекеттік орган әзірлейтін құқықтық және нормативтік құқықтық актілердің, шарттардың, іс жүргізу құжаттарының, сондай-ақ заңды сипаттағы басқа да құжаттардың жобаларын әзірлеуге, оның ішінде оларды мемлекеттік органның басқа құрылымдық бөлімшелері әзірлеген жағдайда келісу жолымен қатысады;

4) мемлекеттік органның бірінші басшысының тапсырмасы бойынша нормативтік құқықтық актілердің жобаларын әзірлейді және құқықтық сипаттағы басқа да құжаттарды дайындайды;

5) мемлекеттік органда сыбайлас жемқорлыққа қарсы іс-қимыл бойынша құқықтық жалпы оқытуды ұйымдастыру бойынша жыл сайынғы іс-шараларды әзірлейді және іске асырады;

6) Нормативтік құқықтық актілердің жобаларына заң сараптамасының нәтижелері бойынша мемлекеттік органның норма шығармашылық қызметін, әділет органдарының ескертулерін тұрақты негізде талдайды;

7) шарттардың заңнама талаптарына сәйкестігіне сараптама жүргізеді;

8) тиісті сот талқылауына әкеп соққан негізгі себептер мен жағдайларды анықтау мақсатында мемлекеттік органның қатысуымен даулар бойынша талап қою жұмысының, сот практикасының жай-күйін талдайды және оларды жою және кінәлі лауазымды адамдарды жауапқа тарту жөнінде ұсыныстар енгізеді;

9) Сыбайлас жемқорлыққа қарсы мәдениетті және сыбайлас жемқорлықтың алдын алу жүйесін қалыптастыру бойынша жұмысты тұрақты негізде жүргізу, сыбайлас жемқорлық көріністеріне төзбеушілікті қалыптастыруға бағытталған басқармада сыбайлас жемқорлыққа қарсы саясаттың негізгі бағыттарын түсіндіру бойынша жан-жақты ақпараттық-насихаттау жұмысын ұйымдастыру.

3. 3. Бөлім қызметін ұйымдастыру

1. 1. Бөлімді басқарма басшысы тағайындайтын бөлім басшысы басқарады.
2. 2. Бөлім басшысы Бөлім жұмысына жалпы басшылық жасайды және бөлім құзыретіне жататын бұйрықтар мен нұсқаулардың уақытылы орындалуына бақылау жасайды.
3. 3. Бөлімнің жұмыс жоспарларын дайындайды және олардың орындалуын бақылайды, бөлім қызметкерлерінің арасында міндеттерді бөледі, бөлімге жүктелген міндеттердің орындалуына жауапты болады, бөлім қызметінің аса маңызды мәселелерін талқылау бойынша жедел кеңестер өткізеді.
4. 4. Бөлімнің құзыретіне жататын мәселелер бойынша бұйрықтар жобаларын, өзге де құжаттарды, кеңестерде қарау үшін материалдарды дайындауды қамтамасыз етеді, басқарманың басқа құрылымдық бөлімшелері мен мемлекеттік органдардың қызметімен бөлімнің жұмысын үйлестіруді қамтамасыз етеді.
5. 5. Бөлім басшысы болмаған кезде оның міндеттерін атқару Бөлім басшысының ұсынысы бойынша бөлім қызметкерлерінің біреуіне Басқарма бұйрығымен жүктеледі.