Ауданда балалар мен олардың ата-аналарының спортпен шұғылдануына, және жайлы уақыт өткізуіне барлық жағдай жасалуда"

2023 жылы ауыл тұрғындарының бұқаралық спорт түрлерімен айналысуға, өскелең ұрпақтың бос уақытын тиімді ұйымдастыру мақсатында жүзушілерге арналған бес бөлек жолы бар жабық бассейн Күршім ауданының әкімшілік орталығында "Ауыл – ел бесігі" бағдарламасы аясында салынған. Ол 2023 жылдың мамырында пайдалануға берілді.
Заманауи талаптарға сәйкес бассейнде бір уақытта 20 адам жүзе алады. Онда барлық ыңғайлылықтар, атап айтқанда дәретханалар, киім ауыстыратын бөлмелер және спорт залы бар.
Егер біз тарихты еске түсіретін болсақ, онда нысанның құрылысы 2021 жылдың қаңтарында аяқталды, бірақ құрылысқа жауапты мердігер компания жіберген кемшіліктерге байланысты оны қайта құруға тура келді.
- Астанадан тексеріс жүргізген мамандар келді, қажетті қаражат бөлініп, 1,5-2 айда жөндеуді аяқтадық. Содан бері бассейн бір жылға жуық жұмыс істейді. Оқушылар үшін бассейнге бару тегін, ал басқа ересек ауыл тұрғындарынан белгілі бір ақы алынады.
Аудан әкімінің айтуынша, қазір Күршімде 8 мыңға жуық адам тұрады, оның 3500-ге жуығы жастар. Алдағы уақытта бұқаралық спортты дамыту үшін аудан орталығында дене шынықтыру-сауықтыру кешенін салу жоспарлануда.
- Бассейнде 2 жаттықтырушы жұмыс істейді. Арнайы секцияларда 66 оқушы айналысады. Олардан кейін бассейн сағат 19.00-ден 21.00-ге дейін ауыл тұрғындарына қызмет көрсетеді. Бұл нысан жастарға бұқаралық спорт түрлерімен айналысуға, өскелең ұрпақтың бос уақытын тиімді ұйымдастыруға мүмкіндік береді. Қазір біздің оқушылар облыстық жарыстарға қатысуда. Біз жоғары нәтижелерге қол жеткізу үшін жұмыс істеп жатырмыз, - деп атап өтті Спорт ғимаратының директоры Ерназ Сырымбаев.
Сондай-ақ, ауылда футбол алаңдары мен "Street Workout» алаңдарын салу жұмыстары жалғасуда. Күршім ауданы әкімдігінің мәліметінше, өткен 2023 жылы аудан бойынша бес футбол алаңы мен төрт ойын алаңы салынды.
2024 жылы Күршім, Құйған, Сарыөлең, Мульковое ауылдарында 3 "Street Workout» алаңдарын және 4 футбол алаңдарын салу жоспарланып отыр.