Күршім ауданы бойынша бұқаралық ақпарат құралы ретінде «Рауан-Заря» газеті таратылады. «Рауан-Заря» газеті 2015 жылдың мамыр айынан бері «Шығыс ақпарат» жауапкершілігі шектеулі серіктестігінің Күршім ауданындағы бөлімі болып саналады. Аптасына бір рет 12 бетпен жұма күні басылып, шығады.
Басылым пошта торабы арқылы оқырмандарға уақтылы жеткізіліп отыр. Материалдық-техникалық базасы қанағаттанарлық. Қолданыста екі компьютер, екі ноутбук және ВАЗ Lada 21214 «Нива» қызметтік автокөлігі бар. Интернет жүйесі орнатылған, редакция жалдамалы ғимараттың жылу, жарық коммуналдық төлемдерін төлейді.
Редакция ұжымында барлығы 7 қызметкер бар. Бас редактор Е.Үсенов, тілшілер К.Бурханбаева, К.Шәмерхан, операторлар Н.Мұқашпаева, Н.Мұқатаева, көлік жүргізуші Н.Омарғазинов, еден жуушы Р.Ибраева. 2022 жылға 2338 тұрғын бірінші жарты жылдыққа жазылды.
Мемлекеттік саясатты насихаттау аудан әкімшілігімен бірлесіп аудандық басылым арқылы жүзеге асырылып отырады.