Ауданда бүгінде спортпен халықтың жүйелі түрде шұғылдануы үшін қолжетімді 200 спорт объектісі бар. Олар: 35 спортзал, 12 шайбалы хоккей қорапшасы, 2 стадион, 2 ипподром және 149 жердегі жазық спорттық құрылғылар бар. Ауданның барлық спортзалдары күнделікті 19.00-21.00 де жұмыс атқарады.

2021 жылдың   қорытындысы бойынша  70  спорттық іс-шара өткізілді. Оған 10655 адам қатысты. Негізінен спорттың волейбол, футбол, кіші футбол, футзал, қол күресі, гір спорты, шайбалы хоккей, үстел теннисі, бильярд, шахмат, дойбы, көкпар, аударыспақ,  қазақ күресі, шаңғыдан жастар мен жасөспірімдер арасындағы жарыстар өткізу жолға қойылған. Елбасымыз алға қойған салауатты өмір салтын насихаттау, «Саламатты Қазақстан» бағдарламасын жүзеге асыру жұмыстары және жастардың, жасөспірімдердің бойында патриоттық, Отан сүйгіштік тәрбиені қалыптастыру бағытында да көптеген жұмыстар жүргізілуде. Спортпен жүйелі түрде айналысатын халық саны 7385 адамды құрады, бұл аудан халқының 31, 9 %-ын құрайды