Ауылдық округтер әкімдерін сайлау өтті

30 қыркүйек күні аудан әкімдігінің мәжіліс залында аудандық мәслихаттың хатшысы Д. З. Бралиновтың төрағалық етуімен Үлкен Нарын және Ақсу ауылдық округтері әкімдерінің кезектен тыс сайлауы өтті. Ауылдық округ әкімдеріне әрбір әлеуетті үміткермен аудандық мәслихат депутаттары алдын ала әңгіме өткізіп, оларды мемлекеттік бағдарламаларды орындау, азаматтардың қолайлы әлеуметтік көңіл-күйін қамтамасыз ету бойынша халық алдында жоғары жауапкершілікке бағыттап, ауылдық округтердегі атқарушы билік өкілдеріне жүктелетін болады. Қазақстан Республикасының заңнамасын білу, қоғамға пайдалы болу ниеті, ауыл тұрғындарының мәселелеріне үнемі назар аудару әкімдердің болашақ кәсіби қызметінің негізіне жатады. Сайлау күні 30 тамыз күні аудандық әкімдіктің мәжіліс залында аудандық сайлау комиссиясының төрағасы Рауан Нұрғалиев халық қалаулыларын сайлау ережелерімен таныстырды. Содан кейін депутаттардың сайлау бюллетеньдерін жасырын дауыс беру арқылы толтыру рәсімі өтті. Біраз уақыттан кейін сайлау комиссиясы мүшелерінің, аудандық мәслихат депутаттарының қатысуымен сайлау қорытындысы шығарылды. Үлкен Нарын ауылдық округінің әкімі болып Ильясов Раджан Бақытбекұлы сайланды. Ақсу ауылдық округінің әкімі болып Қасенов Данияр Мұратұлы сайланды.