Меню
Коробиха ауылдық округінің аумағында жергілікті маңызы бар мәселелерді шешу үшін жергілікті қоғамдастық жиыны және жергілікті қоғамдастық жиналысы өткізіледі.
Жергілікті қоғамдастық жиынына кәмелетке толмаған адамдардың ,сот әрекетке қабілетсіз деп таныған адамдардың, сондай-ақ сот үкімі бойынша бас бостандығынан айыру орындарында ұсталатын адамдардың қатысуға құқығы жоқ.
Жергілікті қоғамдастық жиыны қажеттілігіне қарай жергілікті маңызы бар неғұрлым маңызды мәселелер бойынша өткізіледі.
Жергілікті өзін-өзі басқару жиналысы жергілікті маңызы бар ағымдағы мәселелер бойынша өткізіледі:
1.Бюджеттік бағдарламаларды талқылау;
2.Кіріс көздерін қалыптастыру және пайдалану мәселелерін талқылау .
3.Жергілікті маңызы бар мәселелерді шешуге бөлінген бюджет қаражатының және кіріс көздерінің пайдаланылуына мониторинг жүргізу мақсатында жиналысқа қатысушылар қатарынан жергілікті өзін-өзі басқару комиссиясын құру.
4.Бюджет қаражатының пайдаланылуына жүргізілген мониторинг нәтижелері туралы есепті тыңдау және талқылау.
5.Басқа өзекті мәселелер.
Ауылдық округтің маңызды жұмысын аналар кеңесінің жұмысы атқарады ,оның негізгі бағыты елімізде жүргізіліп жатқан отбасылық - демографиялық саясатты қолдау болып табылады. Отбасы институтын сақтауға және нығайтуға ықпал етеді, өскелең ұрпақты тәрбиелеуге және жасөспірімдер арасындағы құқық бұзушылықтың алдын алуға өз үлесін қосады.
Аналар кеңесі әйелдердің сауаттылығын арттыруға қатысады .
Сондай-ақ, әкім аппаратында Қазақстан халықтары Ассамблеясының ақсақалдар кеңесі жұмыс істейді ,ол қоғамдағы бірлікті нығайтуға ,азаматтардың патриотизмі мен жауапкершілігін тәрбиелеуге ,медиацияға, тәлімгерлікке және халық арасында келісімді қамтамасыз ету мәселелерінде білім мен тәжірибе беруге жәрдемдеседі. Кеңестің мүшесі ауылдық округ шегінде тұрақты тұратын Қазақстан Республикасының азаматы бола алады.