Отандық тауар өндірушілерді қолдау жөніндегі мемлекеттік «қарапайым заттар экономикасы» бағдарламасы шеңберінде облыста ай сайынғы негізде жергілікті қамту үлесін арттыру бойынша мониторинг және бақылау жүзеге асырылады.
Жүргізілген жұмыстардың нәтижелері бойынша облыстың барлық бюджеттік бағдарламалар әкімшілері отандық тауар өндірушілерден тауарларды сатып алуға қайта бағдарланған.
Жергілікті қамту үлесінің фактісі бойынша деректер ай сайын жобалық кеңсеге әр айдың 2-күніне дейін ұсынылады.
Ағымдағы жылғы 29 желтоқсандағы жағдай бойынша облыста «қарапайым заттар экономикасы» салаларының тауарлары бойынша тиімділік көрсеткіштеріне (KPI) қол жеткізілді және мыналарды құрайды:
- жиһаз өнеркәсібі бойынша - 80% (KPI - 55%);
- жеңіл өнеркәсіп бойынша - 79% (KPI - 44%);
- құрылыс материалдары бойынша - 61% (KPI - 52%);
- тамақ өнеркәсібі бойынша - 86% (KPI - 55%);
- машина жасау бойынша - 76% (KPI - 14%);
- химия өнеркәсібі бойынша - 79% (KPI - 36%);
- фармацевтика өнеркәсібі бойынша - 61% (KPI - 32%);
- целлюлоза-қағаз өнеркәсібі бойынша - 78% (KPI - 54%).
12 айдың қорытындысы бойынша жергілікті қамту үлесінің жалпы көрсеткіші - 78% құрады.
Мемлекеттік сатып алудағы жергілікті қамту үлесін арттыру бойынша жұмыс жалғасуда және тұрақты бақылауда.