26 тамыздан бастап Өскемен қаласының мамандандырылған ХҚКО жаңа мекенжай бойынша азаматтарды қабылдайды: Самар тас жолы 23/1.
Бұған дейін мамандандырылған ХҚКО Абай даңғылы, 203/3 мекенжайы бойынша жұмыс істеген.
"Жаңа мамандандырылған орталықта Мемлекеттік қызметтерді сапалы көрсету үшін барлық жағдай жасалған. Ыңғайлы автотұрақ бар. Енді мұнда сіз теориялық емтихан тапсырып, жүргізуші куәлігін қайта ресімдей аласыз. Жақын арада автодромды іске қосамыз", - деп атап өтті "Азаматтарға арналған үкімет" ШҚО бойынша филиалы директорының м.а. Нұрлан Симбинов.
Мамандандырылған халыққа қызмет көрсету орталығының жұмыс кестесі өзгеріссіз қалады. Ол дүйсенбіден жұмаға дейін 9.00 – ден 18.00-ге дейін түскі үзіліссіз, сенбіде 9.00-ден 13.00-ге дейін жұмыс істейді.
Айта кетейік, жыл басынан бері мамандандырылған ХҚКО 78 мыңнан астам мемлекеттік қызмет көрсетті, оның 63 мыңы - көлікті тіркеу бойынша, 15 мыңы – жүргізуші куәлігін беру бойынша.