«Сараптамасы мемлекеттік монополияға (мемлекеттік сараптамаға)жататын құрылыс объектілері»

ҚР «Қазақстан Республикасындағы сәулет, қала құрылысы және құрылыс қызметі туралы» Заңының 64-4-бабына сәйкес - Мемлекеттік монополияға жатқызылған сараптамалық қызмет

1. Мемлекеттiк монополияға:

1) барлық деңгейлердегі қала құрылысы жобаларына кешенді қала құрылысы сараптамасы;

2) құрылыс жобаларының (техникалық-экономикалық негіздемелердің, жобалау-сметалық құжаттаманың) ведомстводан тыс кешенді сараптамасы:

- қаржыландыру көздеріне қарамастан, ықтимал қауіпті құрылыс объектілеріне жататын жаңа өндірістік ғимараттар мен құрылысжайларды, сондай-ақ техникалық және (немесе) технологиялық жағынан күрделі жаңа объектілерді, олардың кешендерін, инженерлік және көліктік коммуникацияларын салу;

- бюджет қаражаты және мемлекеттік инвестициялардың өзге де нысандары есебінен қаржыландырылатын қолданыстағы объектілерді реконструкциялау, кеңейту, жаңғырту, техникалық қайта жарақтандыру және күрделі жөндеу:

- ықтимал қауіпті;

- техникалық және (немесе) технологиялық жағынан күрделі;

- жауапкершіліктің бірінші деңгейіне жатқызылған квазимемлекеттік сектор субъектілерінің қаражаты есебінен қаржыландырылатын қолданыстағы объектілерді реконструкциялау, кеңейту, жаңғырту, техникалық қайта жарақтандыру және күрделі жөндеу;

- сәулет, қала құрылысы және құрылыс қызметі саласындағы уәкілетті орган әзірлеген үлгілік жобалар.

Объектінің жауапкершілік деңгейі Қазақстан Республикасы Ұлттық экономика министрінің 2015 жылғы 28 ақпандағы № 165 бұйрығымен бекітілген Ғимараттар мен құрылыстарды техникалық және (немесе) технологиялық жағынан күрделі объектілерге жатқызудың жалпы тәртібін айқындау қағидаларына сәйкес айқындалады.