Субъектілердің жауапкершілігі

Қазақстан Республикасындағы құрылыс қызметі «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының нормаларына және мемлекеттік құрылыс нормативтеріне сәйкес жүзеге асырылады.

ҚР ҰЭМ 2015 жылғы 30 қарашадағы № 750 бұйрығымен бекітілген құрылыс саласында құрылыс салуды ұйымдастыру және рұқсат беру рәсімдерінен өту Қағидаларының 3-тарауының 1-параграфына сәйкес құрылыс жөніндегі жобаларды іске асыру жер учаскесіне тиісті құқық негізінде және келесі кезеңдермен жүзеге асырылады:

1)құрылыс жобаларын әзірлеу үшін бастапқы материалдарды алу (құрылыс үшін жер учаскесімен бірге бастапқы материалдарды беру жағдайларынан басқа);

2)эскизді (эскиздік жобаны) әзірлеу және келісу;

3) жобалау-сметалық құжаттаманы әзірлеу (бұдан әрі - жобалау) және құрылыс жобаларына ведомстводан тыс кешенді сараптама жүргізу (бұдан әрі – сараптама);

4) мемлекеттік сәулет-құрылыс бақылауын және қадағалауды жүзеге асыратын органдарды құрылыс-монтаждау жұмыстарын жүргізудің басталғаны туралы хабардар ету, Құрылыс-монтаждау жұмыстарын жүзеге асыру;

5) салынған объектіні қабылдау және пайдалануға беру.

Көп жағдайда құрылыс субъектілері салалық заңнаманы білмеуіне байланысты бұзушылықтарға жол береді.

Объектілерді салу кезінде жоғарыда көрсетілген заңнаманың талаптарын бұза отырып, «Әкімшілік құқық бұзушылық туралы» ҚР Кодексіне (бұдан әрі-ҚР ӘҚБтК) сәйкес әкімшілік жауапкершілік көзделеді, атап айтқанда:

- ҚР ӘҚБтК-нің 316-бабы «жобалау (жобалау-сметалық) құжаттамасыз не белгіленген тәртіппен сараптамадан өтпеген жобалау (жобалау-сметалық) құжаттамасы бойынша объектілер мен олардың кешендерін салу (реконструкциялау, реставрациялау, кеңейту, техникалық қайта жарақтандыру, жаңғырту, күрделі жөндеу)»;

- ҚР ӘҚБтК-нің 319-бабы «жерге тиісті құқықсыз өндірістік, тұрғын үй, шаруашылық, гидротехникалық (су шаруашылығы) немесе тұрмыстық объектілерді заңсыз салу»;

- ҚР ӘҚБтК-нің 321-бабы «техникалық регламенттерде белгіленген талаптарды қоспағанда, техникалық және авторлық қадағалауды сүйемелдеусіз құрылысты жүзеге асыру»;

- ҚР ӘҚБтК-нің 463-бабы «кәсіпкерлік немесе өзге де қызметпен айналысу, сондай-ақ тиісті тіркеусіз, рұқсатсыз немесе хабарлама жіберусіз әрекеттерді (операцияларды) жүзеге асыру».

Құрылыс саласындағы әкімшілік жауапкершілік бұзушылыққа тәуелділікке және кәсіпкерлік субъектісінің санатына байланысты 10-нан 1 400 айлық есептік көрсеткішке дейін айыппұл салынады. Жекелеген жағдайларда лицензиядан айыру немесе аттестаттарды тоқтата тұру және т. б. түріндегі қосымша санкциялар көзделеді.