Шығыс Қазақстанда жылыту маусымы штаттық режімде өтуде

 

Облыс бойынша жылыту маусымы ағымдағы жылдың 25 қыркүйегінде басталды. Бюджеттік саланың барлық нысандары мен көп қабатты тұрғын үйлер жоспарлы түрде қосылған.

Қазіргі уақытта объектілердің дайындығы: қуаттылығы 100 Гкал/сағаттан жоғары жылу көздері – 99% (барлығы 10 жылу көздері – 58 қазандық оның ішінде 55 қазандық дайын), су электр станциялары – 74% (4 ГЭС – 27 гидроагрегат оның ішінде 20 гидроагрегат дайын).

Көп қабатты тұрғын үй қорының, жылумен, электроэнергиясымен жабдықтау, сумен жабдықтау, су бұру желілерінің, қуаты 100 Гкал/сағаттан кем қазандықтардың және дербес қазандықтардың әзірлігі 100% - ды құрайды.

Облыстың ЖЭО мен жылу көздерінде 308 мың тонна немесе пайдалану қорының 147% жинақталған (210 мың тонна).

Тұрғындардың көмірге жалпы қажеттілігі 1 123,6 мың тоннаны құрайды, нақты жеткізілгені - 1 118,0 мың тонна көмір немесе 99%.

Бүгінгі күні облыстың темір жол тұйықтарында 14,3 мың тонна көмір жинақталған, оның ішінде: Өскемен қаласында - 1,2  мың тонна, Семей қаласында – 5,0 мың тонна, Риддер қаласында – 0,2 мың тонна, Аягөз ауданында – 4,9 мың тонна, Глубокое ауданында – 0,1 мың тонна, Жарма ауданында – 0,7 мың тонна, Алтай ауданында – 1,7 мың тонна, Шемонаиха ауданында – 0,5 мың тонна.