Мемлекеттік еңбек инспекциясы басқармасы ҚР Еңбек кодексінің 156-бабының 11-тармағына сәйкес тараптар қол қойған ұжымдық шарттарға мониторинг жүргізеді.
Мониторинг барысында қызметкерлердің мүдделері мен құқықтарын қорғауға, оңтайлы еңбек, тұрмыс және демалыс жағдайларын жасауға бағытталған екпінді тармақтары бар ұжымдық шарттар белгіленеді.
Мәселен, медициналық және ортопедиялық тауарлардың саудасы саласында үздіктердің бірі 2023 жылы жасалған " Аптека №10" ЖШС ұжымдық шарты болып табылады.
Мекеменің ұжымдық шартында тараптардың ұйымдағы қатынастарының жалпы принциптерін көрсететін Тараптардың құқықтары мен міндеттері жазылған. Сондай-ақ, жұмыс беруші кәсіпорын қызметкерлеріне әлеуметтік жеңілдіктер мен кепілдіктерге кепілдік береді.
Жұмыс беруші еңбекті қорғау жөніндегі іс-шараларға 500 000 теңге сомасында қаражат жұмсау туралы өзіне міндеттеме алады.
Сонымен қатар, жұмыс беруші кәсіподақ ұйымымен келісе отырып еңбек қауіпсіздігі және еңбекті қорғау жағдайларын жақсарту және санитарлық-сауықтыру жөніндегі іс-шараларын жүргізуге міндеттенеді. Бұл ретте, қызметкерлер бұл мақсаттарға шығыстар көтермейді.
Жұмыс беруші қаржылық мүмкіндігіне қарай отырып, жыл қорытындысы бойынша сыйлықақы төлемдерін төлеуге, тараптардың келісімі бойынша қызметкерлер мен олардың кәмелетке толмаған балалары үшін емделуге және демалуға арналған жолдамалардың құнын төлеуге, тараптардың келісімі бойынша ауыр материалдық жағдайға тап болғандарға (қайғылы жағдайлар болған жағдайда, қымбат емделуге, операция жүргізуге ақы төлеу бойынша) әлеуметтік қолдау көрсетуге міндеттенеді.
Мерейтойлық күндер құрметіне қызметкерлерді адал еңбегі, қоғамдық жұмысы, кәсіпорын жұмысына қосқан елеулі үлесі, жоғары өнімділігі, өндірістік процестерді жетілдіруі және т. б. үшін көтермелеу.
Мемлекеттік және ұлттық мерекелерге арналған спорттық-сауықтыру және мәдени-бұқаралық іс-шараларды, кәсіпорын қызметкерлерінің балаларының жаңа жылдық сыйлықтарын ұйымдастыруды және қаржыландыруды қамтамасыз ету.
Жұмыс беруші жыл сайын жұмыс берушінің жауапкершілігін сақтандырады, сондай-ақ нормативтік құқықтық актілерге сәйкес қызметкерлердің медициналық тексеруден өтуіне жағдай жасайды.
Әкімдік, кәсіподақтар және жұмыс берушілер арасындағы 2021-2023 жылдарға арналған облыстық Келісімнің 5.23-тармағына сәйкес куәліктің болмауына қарамастан, барлық қызметкерлерге "Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы" 1992 жылғы 18 желтоқсандағы ҚР Заңына сәйкес ядролық сынақтардың әсеріне ұшыраған аймақтарда тұрғаны үшін күнтізбелік 10 күн қосымша ақылы демалыс беріледі.
«Аптека №10» ЖШС ұжымына қызметте тұрақтылық, табыс, өркендеу және амандық тілейміз.