Қазақстан Республикасының «Халықтың көші-қоны туралы» Заңының 35 бабының 6 тармақшасына, 39 бабы 1 тармағының 3 тармақшасына, 41 бабы 3 тармағының 4 тармақшасына, 43-1 бабы 1 тармағының 6 тармақшасына сәйкес, өз бетінше жұмысқа орналасу үшін келетін немесе жұмыс берушілер тартатын шетелдік қызметкерлер, оның ішінде корпоративішілік ауыстыру шеңберінде келетін, іскер иммигранттар, маусымдық шетелдік жұмысшылар, еңбек иммигранттарының Қазақстан Республикасының заңдарында белгіленген ең төмен талаптарды сақтай отырып, тараптардың келісімінде айқындалған шарттарда медициналық-санитариялық алғашқы көмекті және шұғыл нысанда стационарлық жағдайларда мамандандырылған медициналық көмекті жабатын медициналық сақтандыруы болуы міндетті.
2023 жылғы 1 мамырдан бастап ҚР Еңбек кодексінің (бұдан әрі - Кодекс) 26-бабы 1-тармағының 6)тармақшасына түзетулер қолданысқа енгізіліп, Қазақстан Республикасының заңдарында белгіленген шарттарда шұғыл нысанда стационарлық жағдайларда алғашқы медициналық-санитариялық көмекті және мамандандырылған медициналық көмекті жабатын жүктелген медициналық сақтандыру шарты жоқ шетелдіктермен және азаматтығы жоқ адамдармен еңбек шартын жасасуына жол берілмейтіні көрсетілген.
Осыған байланысты, өз бетінше жұмысқа орналасу үшін келетін немесе жұмыс берушілер тартатын шетелдік қызметкерлер, оның ішінде корпоративішілік ауыстыру шеңберінде келетін, іскер иммигранттар, маусымдық шетелдік жұмысшылар, еңбек иммигранттары еңбек шартын жасасу үшін жұмыс берушіге медициналық-санитариялық алғашқы көмекті және шұғыл нысанда стационарлық жағдайларда мамандандырылған медициналық көмекті жабатын медициналық сақтандыруды қамтамасыз ету керек.
Егер шетелдіктер немесе азаматтығы жоқ адамдар отбасын біріктіру мақсатында Қазақстан Республикасына келіп, одан әрі Қазақстан Республикасында жұмысқа орналасуға шешім қабылдаған жағдайда, онда олар еңбек шарты жасалғанға дейін жұмыс берушіге медициналық-санитариялық алғашқы көмекті және шұғыл нысанда стационарлық жағдайларда мамандандырылған медициналық көмекті жабатын медициналық сақтандыруды ұсынуы қажет.
Бұл ретте Қазақстан Республикасының «Құқықтық актілер туралы» Заңының 43-бабына сәйкес, нормативтік құқықтық актінің күші ол қолданысқа енгізілгенге дейін туындаған қатынастарға қолданылмайтынын атап өткен жөн.
Осыған байланысты, Кодекстің 26-бабы 1-тармағының 6-тармағының екінші бөлігінде көзделген норма ол енгізілгенге дейін туындаған еңбек қатынастарына қолданылмайды.