Ауыр жұмыстармен, еңбек жағдайлары зиянды және (немесе) қауіпті жұмыстармен айналысатын қызметкерлерге, бірінші және екінші топтағы мүгедектерге ұзақтығы алты күнтізбелік күннен кем емес жыл сайынғы қосымша ақы төленетін еңбек демалыстары беріледі.
Сондай-ақ, 2021-2023 жылдарға арналған облыстық келісімнің (Шығыс Қазақстан облысының әкімдігі, облыстық кәсіподақтар (қызметкерлер) бірлестіктері және жұмыс берушілер бірлестіктері (қауымдастықтары, одақтары) арасында қол қойылған)5.23-тармағына сәйкес, радиациялық тәуекел аймақтарында тұратын және осы аймақтарда еңбек қызметін жүзеге асыратын қызметкерлерге жыл сайынғы қосымша ақы төленетін демалыс беріле отырып, ай сайын қосымша ақы төленеді.
Ай сайынғы қосымша ақылардың мөлшері және жыл сайынғы қосымша ақылы демалыстың ұзақтығы «Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы» Қазақстан Республикасы Заңының 13-бабының талаптарына сәйкес айқындалады.