Шығыс Қазақстан облысының әлеуметтік-экономикалық саясаты «Қазақстан – 2050» стратегиясын және Қазақстан Республикасының 2025 жылға дейінгі Стратегиялық даму жоспарын іске асыру шеңберінде халықтың әл-ауқатын арттыру және экономиканың тұрақты өсуін қамтамасыз ету бойынша ұзақ мерзімді мақсаттарға қол жеткізу үшін жүргізіліп жатқан мемлекеттік саясаттың сабақтастық қағидаттарын ұстанады.
Тиімді экономикалық өсуді, әлеуметтік әл-ауқатты және жұмыспен қамтуды қамтамасыз ету, сондай-ақ инфляция деңгейін және бағаның тұрақтылығын төмендету бойынша міндеттерді шешу жалғасуда.
Бес институционалдық реформа бойынша «100 нақты қадам» Ұлт жоспарын және «Президенттің бес әлеуметтік бастамаларын», Мемлекет басшысының Қазақстан халқына жыл сайынғы Жолдауларын, Қазақстан Республикасының Тұңғыш Президенті – Елбасының жариялаған бастамаларын және Қазақстан Республикасы Президентінің «Игілік баршаға! Сабақтастық. Әділдік. Өрлеу» сайлауалды платформасын іске асыруды есепке ала отырып:
– теңдестірілген фискалдық саясатты жүргізе отырып, салық салынатын базаны кеңейте отырып, бюджеттік шығыстарды оңтайландыра отырып, сондай-ақ мемлекеттің міндеттемелерін тиімді басқара отырып, мемлекеттік қаржының тұрақтылығын қамтамасыз ету;
– инвестициялық ахуалды жақсарту, бағаның тұрақтылығын қамтамасыз етуді бақылау, олардың негізсіз өсуіне жол бермеу арқылы;
– экспорттық әлеуетті және еңбек өнімділігін арттырумен, кешенді ақпараттық-технологиялық платформаларды енгізумен, энергия тиімділігіне, энергия үнемдеуге, кәсіпорындардың экологиялығына қойылатын талаптарды арттырумен, «жасыл» технологияларға инвестициялауға ынталандырумен базалық салаларды ауқымды технологиялық жаңғыртуды жүргізу;
– инновациялық дамуды индустрияландырудың үшінші бесжылдығын, сандық технологияларды жүзеге асыру, сондай-ақ «қарапайым заттар экономикасын» дамыту;
– АӨК ғылымды қажетсінуін кеңейте отырып, агроөнеркәсіптік кешенді дамытудың мемлекеттік бағдарламасын іске асыру, ауыл шаруашылығы техникасын жаңарту жолымен еңбек өнімділігін арттыру, егістік алқаптары мен суармалы жерлердің көлемін ұлғайту, қайта өңделген ауыл шаруашылығы өнімдерінің экспортын арттыру;
– жылумен, сумен жабдықтау және су бұру, тұрғын үй қорын жаңғырту, сондай-ақ көлік-логистикалық инфрақұрылымның тиімділігін арттыру, зияткерлік көлік жүйесін және құрылыс секторында қазіргі заманғы технологияларды енгізу мәселелерін біріктіре отырып, инфрақұрылымдық және тұрғын үй құрылысының мемлекеттік бағдарламаларын іске асыру;
– мемлекеттік қолдау құралдарын дамытумен, тиімді жобалар мен бәсекеге қабілетті кәсіпорындарға бағдарлаумен инвестицияларды ынталандыру;
– цифрландыруды ілгерілету, туристік сала мен сауданың өсу мүмкіндіктерін іске асыру, сондай-ақ жобаларды қаржыландырудың баламалы тетіктерін дамыту арқылы әлеуметтік-экономикалық саясаттың негізгі басымдықтары болып табылады.