Экономика және бюджеттік жоспарлау басқармасының негізгі міндеттерінің бірі облыстың өңірлік саясатын іске асыру мәселелері бойынша жергілікті атқарушы органдардың қызметін үйлестіру болып табылады. Бұл екінші деңгейдегі қалаларды, шағын және моноқалаларды дамыту, ауылдық және шекара маңындағы аумақтарды дамыту, сондай-ақ жергілікті өзін-өзі басқаруды дамыту бойынша талдау жүргізуді және ұсыныстар әзірлеуді білдіреді.

«Қуатты  өңірлер – ел дамуының драйвері» ұлттық жобасына (бұдан әрі – ұлттық жоба) сәйкес өңірлік саясатты іске асыру мынадай бағыттар шеңберінде жүзеге асырылатын болады:

I бағыт: Негізгі қызметтерге тең қол жетімділік:
1-міндет. Инфрақұрылымды кешенді дамыту;
2-міндет. «Жайлы тұрғын үй».

II бағыт. Көлік байланысын қамтамасыз ету:
1-міндет. Ішкі көлік желісін дамыту;
2-міндет. Аумақтардың байланысын арттыру.

Ұлттық жобаның мақсаты халықтың негізгі қызметтерге тең қолжетімділігін қамтамасыз ету, тұрғын үй-коммуналдық жағдайларды жақсарту және тұрғын үй құрылысын дамыту, сондай-ақ көлік байланысын қамтамасыз ету және елдің көлік-транзиттік әлеуетін арттыру есебінен азаматтардың жайлы өмір сүру ортасын құру болып табылады.