Ағымдағы жылдың 23 мамырда ШҚ Лингвистикалық орталығында тілдерді оқыту орталығының оқытушылары үшін Ахмет Байтұрсынов атындағы «Үздік оқытушы» байқауы өтті.
Жалпы байқаудың мақсаты-вторлық бағдарламалармен, ересектерге қазақ тілін тиімді оқыту әдістемелерімен тілдерді оқыту орталықтарының оқытушыларын көтермелеу, қолдау және марапаттау. Конкурстың міндеттеріне келетін болсақ, қазақ тілін орта деңгейден (В2) жоғары меңгеру тәжірибесін анықтау, оқытушылар арасында тәжірибе алмасу үшін жағдай жасау, қазақ тілін меңгерудің озық авторлық бағдарламаларын тарату, ересектерге мемлекеттік тілді оқытудың шығармашылық әлеуеті бар оқытушылардың бәсекелестік ортасын қалыптастыру, оқытушылардың кәсіби біліктілігін арттыра отырып, ересектерге қазақ тілін оқыту сапасын арттыру.
Байқауға өңір тілдерін оқыту орталықтарының оқытушылары қатысты.
Байқау қорытындысы бойынша орындар келесідей бөлінді: Бас жүлдені - Айгүл Еркінбекқызы Акимаева, Алтай ауданы, 1 орынды - Әйгерім Мұратбекқызы Бексатова, Глубокое ауданы, 2 орынды - Бақжан Елсінбекқызы, Ұлан ауданы, 3 орынды – Лаура Жомартқызы Кезенбаева, Самар ауданы жеңіп алды. Жеңімпаздар дипломдармен және сыйлықтармен марапатталды.