Шығыс Қазақстан облысында 328 тарих және мәдениет ескерткіші тіркелген, оның ішінде 9 республикалық маңызы бар, 319 жергілікті маңызы бар ескерткіштер.

Қазақстан Республикасының мәдениет саласының басты бағыттарының бірі - тарихи-мәдени мұраларды қорғау мәселесі болып табылады. Ескерткіштер - өзіндік мәдениет құндылықтары мен дәстүрлерді қорғау және молайту арқылы ұрпақ сабақтастығын байланыстырушы жол. Олар мәдениет мұрасының басты бөлігі және де маңызды қоғамдық функцияларды атқарады, сондай-ақ, ғылымның, білім берудің, мәдениеттің даму мақсаттарына қызмет етеді. Келешек ұрпаққа патриотизм, эстетикалық тәрбие сезімін қалыптастырады.

Облыстың тарихи-мәдени мұрасының сақталуын, қалпына келтірілуін, зерделенуін және тиімді пайдаланылуын қамтамасыз ету мақсатында ШҚО мәдениет басқармасының «Тарихи-мәдени мұраны қорғау жөніндегі Шығыс Қазақстан облыстық мекемесі» КММ жұмыс істейді.

Мекеме қызметінің мақсаты: Шығыс Қазақстан облысының аумағында тарихи-мәдени мұра объектілерін жандандыруды, сақтауды, танымал етуді қамтамасыз ету болып табылады.

Мекеме қызметінің мәні:

1) тарихи-мәдени мұра объектілерін анықтау, тіркеуге алу, зерттеу және жай-күйіне мониторинг жүргізу;

2) тарихи-мәдени мұра объектілерін қорғау және пайдалану саласындағы мемлекеттік бақылауды қамтамасыз ету;

3) Шығыс Қазақстан облысының тарих және мәдениет ескерткіштерінде археологиялық жұмыстар мен ғылыми-реставрациялау жұмыстарын жүргізу кезінде тарихи-мәдени мұра объектілерінің тарихи, сәулеттік-көркемдік бейнесінің сақталуын қамтамасыз ету.

«Тарихи-мәдени мұраны қорғау жөніндегі Шығыс Қазақстан облыстық мекемесі» КММ байланыстары:

Мекенжайы: Өскемен қаласы, Қазақстан көшесі, 63.

Телефон: 8/7232/51-22-30, 51-23-80.

Е-майл: nasledie-vko@mail.ru