Жалпы білім беретін мектеп оқушылары арасында республикалық «Мәшһүр Жүсіп оқулары» байқауының облыстық кезеңінің қорытындысы

2025 жылғы 14 наурызда Өскемен қаласында №35 орта мектебі базасында жалпы білім беретін мектеп оқушылары арасында «Мәшһүр-Жүсіп оқулары» байқауының облыстық кезеңі өткізілді.

Байқаудың мақсаты – философ-ақынның рухани мұрасын дәріптеу, шығармаларында бейнеленген туған жерге сүйіспеншілік, белсенді азаматтық ұстанымды өскелең ұрпақта тәрбиелеу, тұлғаның зияткерлік және шығармашылық әлеуетін дамыту.

Байқауға облыстың жалпы білім беретін мектептерінен жалпы саны 40-қа жуық оқушы қатысты.

Байқау 5 бағыт бойынша өткізілді:

I бағыт – «Алдыма өлең жаз деп қағаз келген, Сөзімді сөйлеп бақтым мен де білген»;

II бағыт – «Бас болып өнер білсең, тіпті жақсы»;

ІІІ бағыт – «Білімді зерек адам болам!» - десең, Қара өзіңді басқаның айнасымен»;

IV бағыт – «Мәшһүр Жүсіп Көпейұлының фольклорлық мұрасы. Хандар, батырлар»;

V бағыт – «Мәшһүр Жүсіп Көпейұлының фольклорлық мұрасы. Би-шешендер, жырау-ақындар»

Конкурс қорытындысы бойынша 24 оқушы жүлдегер атанды: І орын – 5; ІІ орын – 8; ІІІ орын – 11.

Жүлдегерлер дипломдармен марапатталып, барлық қатысушыларға сертификаттар табысталды.

Байқау жеңімпаздарының тізімі shygysdaryn.kz сайтында орналастырылған.

Дарынды жеңімпаздарымыз бен жүлдегерлерімізді құттықтаймыз!