«Ақпараттық қауіпсіздік және компьютерлік желілер» облыстық олимпиадасы

2025 жылғы 05 ақпанда Шығыс Қазақстан көпсалалы колледжі базасында Шығыс Қазақстан көпсалалы колледжінің 80 жылдығы аясында техникалық және кәсіптік білім беру жүйесі оқу орындарының 1-3 курс студенттері арасында информатика пәні бойынша «Ақпараттық қауіпсіздік және компьютерлік желілер» облыстық олимпиадасы өткізілді.

Мақсаты - студенттердің компьютерлік желілер және ақпараттық қауіпсіздік саласындағы білімдерін, сондай-ақ желілік жүйелерді талдау, жобалау, қорғау дағдыларын қалыптастыру және дамыту.

Олимпиада келесі кезеңдерді қамтыды: «Ақпаратты қорғау әдістері» тақырыбында зияткерлік картасын жасау, «Компьютерлік желілерді құрудың негізгі принциптері»; «Желілік архитектуралар»; «Жергілікті желі технологиялары»; «Желілік модельдер»; «Хаттама»; «Желілердегі адрестеу»; «Пакеттік коммутацияланған компьютерлік ғаламдық желілер» тақырыптарында тестілеу.

Олимпиада қорытындысы бойынша жүлделі орындар анықталды:

І орын – Өскемен жоғары политехникалық колледжінің студенті Ерофеев Кирилл, «С. Аманжолов атындағы ШҚУ» КЕАҚ Жоғары колледжінің студенті Дидарқызы Нұрай; 

ІІ орын – Өскемен жоғары политехникалық колледжінің студенті Қанатов Бауыржан, Құмаш Нұрғалиев атындағы Жоғары колледжінің студенті Қобланов Рамир, «Қазақстан-Американдық еркін университеті»  ЖШС Жоғары колледжінің студенті Сатыбалдин Бейбарыс;

ІІІ орын – «Д. Серікбаев атындағы ШҚТУ» КЕАҚ Жоғары IT колледжінің студенті Жармұхамет Абылай, Риддер колледжінің студенті Поляков Данил иеленді.

Олимпиада жеңімпаздары мен жүлдегерлерін құттықтаймыз!