Тамыз конференциясының облыстық секциялық отырысы «Ата-анасының қамқорлығынсыз қалған жетім балаларға арналған арнайы мектеп-интернаттарда және түзету кабинеттерінде оқу процесін ұйымдастыру»
2020 жылдың 20 тамызында Шығыс Қазақстан облысы білім басқармасының «Шығыс» өңірлік орталығы арнайы білім беру ұйымдары қызметкерлерінің тамыз конференциясының секциялық отырысын өткізді, оған 60-тан астам педагог қатысты.
Секция жұмысы қашықтықтан оқыту мәселелеріне арналды және онлайн режимінде жүргізілді.
Іс - шараның мақсаты – мүгедек балалардың білім алу қажеттіліктерін іске асыруды қамтамасыз ететін қашықтықтан оқыту форматында оқыту жағдайларын жасау үшін ерекше білім беру қажеттіліктері бар балаларға арналған арнайы мектеп-интернаттарда және психологиялық-педагогикалық түзету кабинеттерінде (ППТК) әдістемелік көмек көрсету және психологиялық-педагогикалық процесті ұйымдастыру жөніндегі нормативтік құжаттың жобасымен танысу. Іс-шараға қатысушылар – облыстық мектеп интернаттарының директорлары, директордың оқу жөніндегі орынбасарлары және ШҚО ББ (ППТК) психологиялық-педагогикалық түзету кабинеттерінің мамандары.
Онлайн-кеңес аясында тәжірибе алмасты:
- ШҚО ББ Риддер қаласы, «№7 арнайы мектеп интернаты» КММ директоры Кдыргалиева Гульнар Коксугеньевна;
- ШҚО ББ «Ақ ниет» мектеп-интернаты» КММ директоры Кривицкая Светлана Каримуллаевна;
- ШҚО ББ «Ұлан ауданының психологиялық-педагогикалық түзету кабинеті» КММ әдіскері Калиева Айгерим Манарбековна.
Қашықтықтан оқытуды үйлестіру және ұйымдастыру-әдістемелік сүйемелдеуді қамтамасыз ету үшін коронавирустық инфекцияның (COVID-19) таралуы жағдайында ерекше білім беру қажеттіліктері бар білім алушылардың оқу процесін ұйымдастыру туралы ақпарат ұсынылды.