«PISA-ға дайындық кезінде пәнаралық байланыстарды пайдалану» атты онлайн семинар қорытындысы

2024 жылғы 30 қазан күні ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы математика пәні мұғалімдеріне әдістемелік көмек беру мақсатында «PISA-ға дайындық кезінде пәнаралық байланыстарды пайдалану» атты онлайн семинар өткізді.

Семинарда оқушылардың PISA-ға дайындық кезінде пәнаралық байланыстарды пайдалану үшін жасалып жатқан жұмыстар, жаңа технологияларды математика сабақтарында қалай қолданылатыны жайлы ақпараттар қарастырылды.

Семинар барысында:

• Өскемен қаласы бойынша білім бөлімінің «№15 орта мектебі» КММ математика пәні мұғалімі, педагог-зерттеуші  Раисова Қ.С;
• Өскемен қаласы бойынша білім бөлімінің «№15 орта мектебі» КММ математика пәні мұғалімі, педагог-зерттеуші Штейнле О.Д іс-тәжірибелерімен бөлісті.

Семинардың рефлексивті бөлімінде қатысушылар спикерлер ұсынып отырған, оқушыларды PISA-ға дайындау кезіндегі пәнаралық байланыстарды пайдалану маңыздылығын, материалдардың практикалық құндылығын ерекше атап өтті.

Іс-шараға облыстық жалпы білім беретін мектептердің математика пәнінің 74 мұғалімі қатысты.

Семинар модераторлары: Г.М. Абышева - ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ жаратылыстану-математикалық бағыттағы пәндердің әдістемелік бөлімінің жетекшісі, бөлім әдіскері Блейменова Г.Б, Қаирбаева Д.

 

#МақсаттыМектептер #ӘдістемелікҚолдау