«Жаратылыстану сауаттылығын арттыру мақсатында PISA тапсырмалары арқылы оқушылардың сыни тұрғысынан ойлау қабілеттерін дамыту» атты онлайн семинар қорытындысы
2024 жылғы 22 қазан күні ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы биология, химия және жаратылыстану пәні мұғалімдеріне әдістемелік көмек беру мақсатында «Жаратылыстану сауаттылығын арттыру мақсатында PISA тапсырмалары арқылы оқушылардың сыни тұрғысынан ойлау қабілеттерін дамыту» атты онлайн семинар өткізді.
Семинарда PISA тапсырмалары арқылы оқушылардың сыни тұрғысынан ойлау қабілеттерін дамыту үшін жасалып жатқан жұмыстар, мұғалімдердің шеберлігі, жаңа технологияларды биология, химия және жаратылыстану сабақтарында қалай қолданылатаны жайлы ақпараттар қарастырылды.
Семинар барысында:
- ШҚО білім басқармасының Глубокий ауданы бойынша білім бөлімінің «Степное негізгі мектеп-балабақша кешені» КММ биология және жаратылыстану пәні мұғалімі, педагог-зерттеуші Окасова Алма Турысбековна;
- ШҚО білім басқармасының Риддер қаласы бойынша білім бөлімінің «№11 жалпы білім беретін мектеп» КММ химия пәні мұғалімі, педагог-сарапшы Каппасова Арайлым Насырханқызы;
- ШҚО білім басқармасының Өскемен қаласы бойынша «№8 орта мектебі» КММ биология пәні мұғалімі, педагог Имангали Залина Қайратқызы;
- ШҚО білім басқармасының Тарбағатай ауданы бойынша білім бөлімінің «Абай атындағы орта мектебі» КММ биология пәні мұғалімі, педагог-зерттеуші Жакупова Кенжегүль Исбековна іс-тәжірибелерімен бөлісті.
Семинардың рефлексивті бөлімінде қатысушылар PISA тапсырмалары арқылы оқушылардың сыни тұрғысынан ойлау қабілеттерін дамытуға байланысты, спикерлер ұсынған материалдардың практикалық маңыздылығын, жоғары мотивациялық құндылығын ерекше атап өтті.
Іс-шараға облыстық жалпы білім беретін мектептердің биология және химия пәнінің 38 мұғалімі қатысты.
Семинар модераторлары: Г.М. Абышева - ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ жаратылыстану-математикалық бағыттағы пәндердің әдістемелік бөлімінің жетекшісі, бөлім әдіскері Д.Қаирбаева.
#МақсаттыМектептер #ӘдістемелікҚолдау