Абай Құнанбайұлының 175 жылдық мерейтойына арналған әдеби қонақжай
Абай Құнанбайұлының 175 жылдық мерейтойы шеңберінде Шығыс Қазақстан өңірлік білімдегі жаңа технологиялар орталығы 2020 жылғы 10 тамызда 9-сынып оқушыларына ZOOM бағдарламасы арқылы «Абай шығармашылығының қыры мен сыры» тақырыбында әдеби қонақжай өткізді.
Іс-шара үш тілде (қазақ, орыс, ағылшын) ойын интерактивті технологиялары арқылы цифрлы форматта өтті.
Оқушыларды Абай Құнанбайұлының өмірі туралы көп тарамаған мәліметтермен таныстыру, Абайдың лирикасын тереңірек таныту аталған іс-шараның бірегейлігі болды.
Әдеби қонақжайдың соңында Өңірлік білімдегі жаңа технологиялар орталығы әзірлеген Абай туралы 3 D кітап көрсетілді.
Қорытынды сөз сөйлегенде облыс оқушылары осы сияқты іс-шараларды өткізудің қажеттілігін және оның қашықтықтан оқыту жағдайындағы өзектілігін атап өтті.