Мектеп оқушылары арасында халық қаһарманы Р. Қошқарбаевты еске алуға арналған қазақ күресі жарысының облыстық кезеңінің қорытындысы

2024 жылғы 3-4 мамыр күндері Өскемен қаласында Спортта дарынды балаларға арналған Шығыс Қазақстан облыстық олимпиада резервінің мамандандырылған мектеп-интернат-колледжінің (СДБА ШҚО ОРММИК) базасында мектеп оқушылары арасында Халық Қаһарманы
Р. Қошқарбаевтың 100 жылдығына арналған қазақ күресі жарысының облыстық кезеңі өтті.

Жарыстың мақсаты – қазақ күресін мектеп оқушылары арасында кеңінен насихаттау және бұқаралық сипатын арттыру.

Жарысқа 2008-2009 жылдары туған оқушылардан (ұлдар, қыздар) тұратын Шығыс Қазақстан облысының қалалары мен аудандарынан 11 команда қатысты. Қатысушылар 40-82 кг салмақ дәрежесінде бақ сынасты.

Жарыс қорытындысы бойынша жалпыкомандалық есепте жеңіске жетті:

Ұлдар арасында:

І орын – Тарбағатай ауданының командасы;

ІІ орын – Риддер қаласының командасы;

ІІІ орын – Катонқарағай ауданының командасы.

Қыздар арасында:

І орын – «Дарынды балаларға арналған Жамбыл атындағы облыстық мамандандырылған мектеп-гимназия-интернаты» КММ командасы;

ІІ орын – Өскемен қаласының командасы;

ІІІ орын – Самар ауданының командасы.

Жарыстың жеңімпаздары мен жүлдегерлері дипломдармен және медальдармен марапатталды.

Жеңімпаздарды жоғары нәтижелерге қол жеткізуімен құттықтаймыз! Барлық қатысушыларға жаңа жеңістер тілейміз!