«Смарт Сарбаз – 2024» компьютерлік таланттардың қашықтықтан облыстық чемпионатының қорытындысы

«Кадрлар даярлау мен әскери-патриоттық тәрбие беру аясында болашақ әскери инженерлерді, ІТ-мамандарды, робототехниканы, жасанды интеллект бойынша мамандарды өсіру қажет. Бұл Smart ұрпағы»

 Қазақстан Республикасының Президенті Қасым-Жомарт Тоқаев

 

2024 жылдың 16 сәуірінде Шығыс Қазақстан облысының қалалары мен аудандарының мектептерінде онлайн түрде «Смарт Сарбаз-2024» компьютерлік таланттар чемпионаты өтті.

Чемпионаттың мақсаты – «Жас Сарбаз» сыныбы оқушылары мен «Жас Сарбаз» әскери-патриоттық спорт клубы курсанттарының ақпараттық технологиялар саласындағы шығармашылық қабілеттері мен ғылыми-техникалық әлеуетін анықтау және дамыту болып табылады.

Іс-шараға 2000-ға жуық «Жас Сарбаз» сыныбы оқушылары мен «Жас Сарбаз» әскери-патриоттық спорт клубының курсанттары қатысты.

Чемпионат жаратылыстану ғылымдары, математика, информатика, робототехника бойынша бағдарламалардың мазмұнын қамтып, қатысушылардың 4 жас тобына арналған тапсырмалардың жеке нұсқалары бойынша өткізілді:

1-жас санаты – 5 сынып;

2-жас санаты – 6-7 сыныптар;

3-жас санаты – 8-9 сыныптар;

4-жас санаты – 10-11 сыныптар.

Чемпионаттың қорытындысы бойынша 1121 қатысушы жүлделі орындарға ие болды: 1 орын – 474, 2 орын – 296, 3 орын - 351.

Чемпионатта Өскемен, Риддер қалаларынан, сондай-ақ, Алтай, Глубокое, Самар, Қатонқарағай, Шемонаиха, Тарбағатай және Зайсан аудандарының оқушылары ең жоғарғы көрсеткіш көрсетті.

Жеңімпаздарды құттықтаймыз және барлық қатысушыларға жаңа жетістіктер тілейміз!