Әл- Фарабидің 1150 жылдығына және «Рухани жаңғыру»мақаласының 3 жылдығына арналған «ҰЛЫ ДАЛА ҰСТАЗЫ» халықаралық ғылыми-тәжірибелік конференциясының материалдар жинағы

Әл-Фарабидің 1150 жылдығына және «Рухани жаңғыру»мақаласының 3 жылдығына арналған «ҰЛЫ ДАЛА ҰСТАЗЫ» халықаралық ғылыми-тәжірибелік конференциясының материалдар жинағы шықты. Жинаққа Нұр-сұлтан, Алматы, Павлодар қалалары  мен облыстың жалпы білім беретін мектептері мұғалімдерінің, ШҚО жоғары оқу орындарының оқытушыларының мақалалары енді. Материалдар мазмұнында:  әл-Фараби мұрасы және қазіргі заманғы философиялық мәселелер; әл-Фарабидің әлемдік мәдениетке әсері; тарих және қазіргі заман; Рухани жаңғыру: Жаңа гуманитарлық білімнің әлеуметтік және тарихи контексті; "Рухани жаңғыру" бағдарламасындағы қоғамдық сананы жаңғырту контекстінде құндылыққа-бағытталған білімді жүзеге асыру; жаратылыстану ғылымдары мен инновациялық технологиялардың өзекті мәселелері көтерілген.

Әл-Фарабидің 1150 жылдығына және "Рухани жаңғыру" бағдарламасының 3 жылдығына арналған "Ұлы Дала ұстазы" атты Халықаралық ғылыми-тәжірибелік конференциясы С. Аманжолов атындағы Шығыс Қазақстан мемлекеттік университеті мен ШҚО ББ "Шығыс" өңірлік орталығының ұйымдастыруымен өтті.

Жинақтың материалдары "http://bilimvkoportal.kz/?lang=ru" білім беру порталында "Педагог кітапханасы" бөлімінде, "Әдістемелік құралдар мен ұсынымдар" айдарында  орналастырылды.