«Бәсекелес педагог – 2023» облыстық байқауы

ШҚО ББ «Örken» Шығыс Қазақстан өңірлік білім беруді ақпараттандыру  және дамыту ғылыми-әдістемелік орталығы» КММ 2023 жылғы 8 желтоқсан күні жалпы орта білім беретін мектептердің және облыстық білім беру ұйымдарының қазақ тілі мен әдебиеті пәндері мұғалімдеріне арналған «Бәсекелес педагог – 2023» атты облыстық байқауын өткізеді.

Байқаудың мақсаты – Қазақстан Республикасының педагог мәртебесі туралы заңнамасы негізінде педагогтердің ғылыми-әдістемелік деңгейлерін анықтау арқылы кәсіби, ақпараттық құзыреттілік деңгейлерін арттыру, шығармашыл, талантты мұғалімді анықтау, білім беру қызметін әдістемелік қолдау, педагогтер мәртебесін көтеру.

Байқау 2 кезеңнен тұрады.

І кезең - аудандық/қалалық, аталған кезеңде екінші кезеңге қатысуға ұсынылатын педагогтер анықталады.

ІІ кезең – облыстық кезеңге әр аудан/қаладан 1 жеңімпаз (хаттама негізінде) қатысады.

Байқаудың облыстық кезеңінің жеңімпаздары ШҚО ББ-ның  I, II, III дипломдармен марапатталады.

Өткізілу орны: ШҚО ББ «Örken» Шығыс Қазақстан өңірлік білім беруді ақпараттандыру  және дамыту ғылыми-әдістемелік орталығы» КММ, 4 қабат

Жауапты - А.Ж.Билялова