«Кәсіптер әлемі» жазғы лингвистикалық мектебі

Жаз - бұл балалар демалып қана қоймай, зерттейтін, жаңа қызығушылықтарды ашатын және көптеген салаларда дамитын уақыт.

Өскемен қаласының «Лев Гумилев атындағы №38 гимназия» КММ бастауыш сынып оқушыларына арналған «Кәсіптер әлемі» жазғы лингвистикалық мектебі жұмыс жасауда.

Жазғы лингвистикалық мектебінің мақсаты балалардың тілдік дағдыларын нығайту және кеңейту болып табылады.

Мектептің бағдарламасы тілдік ортаға енуге бағытталған, онда олар ағылшын және қазақ тілдерін ойын-сауық ойындарымен және дене белсенділігімен ұштастыра оқиды.

«Кәсіптер әлемі» жазғы лингвистикалық мектебі аясында балалар үш тілде сөйлесе алады, сөздік қорын байытады, грамматиканы жетілдіреді, оқу және жазу дағдыларын дамытады. Олар өздерінің тілдік дағдыларын нақты жағдайларда қолдануға көмектесетін әртүрлі жобалар мен практикалық тапсырмаларға қатысады.

Сонымен қатар, «Кәсіптер әлемі» жазғы лингвистикалық мектебі балаларға әртүрлі кәсіптермен және қызмет салаларымен танысуға мүмкіндік береді. Оқушылар кәсіпкерлік, ғылым, өнер, технология әлемін және басқа да көптеген бағыттарды зерттеп, әртүрлі кәсіптер туралы білімдерін кеңейтеді.