Патриоттық тәрбие бойынша облыстық вебинар

2023 жылғы 19 мамырда ШҚО білім басқармасы облыс мектептері директорларының тәрбие ісі жөніндегі орынбасарларына арналған вебинар өткізді. Шемонаиха ауданы бойынша білім бөлімінің «Зевакино жалпы орта білім беретін мектеп-балабақшасы» кешені» КММ директорының тәрбие жұмысы жөніндегі орынбасары О.Г. Хорева облыстық деңгейде тәжірибесімен бөлісті. Тақырыбы: «Патриоттық тәрбие білім алушылардың бойында азаматтық сананы қалыптастыру бойынша мектеп қызметінің негізгі бағыттарының бірі ретінде».

Өз сөзінде О.Г. Хорева мектепте жүргізілетін патриоттық тәрбие бағыттары туралы айтты. Сондай-ақ, «Рухани жаңғыру» бағдарламасы бойынша мектепте үгіт-насихат бригадалары мен желілерін өткізуге арналған өлеңдер жинағын ұсынды.