Бастауыш сынып мұғалімдері қауымдастығының отырысы

Шығыс Қазақстан облысы білім басқармасының «Шығыс» өңірлік орталығы  қауымдастықтың жоспарына сәйкес 2023 жылдың 31 қаңтар күні бастауыш сынып мұғалімдері қауымдастығының отырысын өткізді.                 

Қауымдастық отырысының мақсаты – сабақты зерттеуді ұйымдастыру әдістері, Lesson Study әдісінен күтілетін нәтижелері бойынша тәжірибе алмасу, ой бөлісу.

Бастауыш мұғалімдер қауымдастығының жетекшісі  «Облыстық математика, физика және информатика саласындағы дарынды балаларға арналған мамандандырылған  мектеп-лицейі» КММ директоры  Тинькова Светлана Юрьевна       2022-2023 оқу жылының I жарты жылдық жұмысына  есеп берді.

Отырыс аясында Жағықпанова Майра Даукеновна, Өскемен қаласы бойынша білім бөлімінің «Ш.Уалиханов атындағы №3 мектеп-лицейі» КММ директордың оқу ісі жөніндегі орынбасары «Lesson Study тәсілі - мұғалімдердің кәсіби біліктілігін арттыратын тәсіл»  тақырыбы аясында теориялық және практикалық әрекеттерін көрсетіп,  өз іс-тәжірибелерімен бөлісті.

Отырыс барысында қатысушылар мен спикерлер арасында кері байланыс орнатылып, ұсынылған тақырыптар бойынша рефлексия жасалды. Қатысушылар қажетті материалдар, тиімді әдіс-тәсілдер, құнды ақпараттармен қаруланғандарын айтты. Отырыс барысында көзделген мақсаттар орындалды.

Отырыс соңында бастауыш сынып мұғалімдерінің қауымдастығына жаңа жетекші  «Ш.Уалиханов атындағы №3 мектеп-лицейі» оқу ісінің меңгерушісі Жағықпанова Майра Даукеновна сайланды.

Жауапты – мектепке дейінгі, мектепалды және бастауыш кабинетінің меңгерушісі Д.А. Какетаева.