Жалпы білім беретін пәндер бойынша республикалық зерттеу жобалар конкурсының облыстық кезеңінің ІІ турының (тестілеу) қорытындысы

2022 жылғы 13-14 желтоқсанда республиканың барлық облыстарында бір мезгілде жалпы білім беретін пәндер бойынша республикалық зерттеу жобалар конкурсының облыстық кезеңінің ІІ туры өтті.

Облыстық кезеңнің 100-ден астам жеңімпазы мен жүлдегері бейіндік пән бойынша онлайн тестілеуге қатысты.

Тестілеу деңгейлер бойынша құрастырылған 60 тест тапсырмасынан тұрып, оларды орындауға 2 астрономиялық сағат бөлінді. Тестілеу автоматтандырылған прокторинг жүйесі мен онлайн трансляция жүргізілумен өткізілді.

Ашықтық пен академиялық адалдықты қамтамасыз ету үшін «АМАNАТ»  партиясы ШҚО филиалы және ата-аналар қауымдастығынан өкілдер шақырылды.

Тестілеу қорытындысы бойынша шекті ұпай жинаған қатысушылардың жұмысы алдын-ала сараптамаға жіберіліп, соның нәтижесі бойынша қорытынды кезеңге қатысушылар анықталады.