«Қазақ ұлттық билері мектебінің әдістемесі: Жаңа қойылым, жаңа тәсіл» облыстық практикалық семинар – шеберлік-сыныбы

ШҚО білім басқармасының «Шығыс» өңірлік орталығының жылдық жұмыс жоспарына сәйкес 2020 жылдың 27-28 ақпан аралығында Өскемен қаласында «Халық әртістері ағайынды Абдуллиндер атындағы Шығыс Қазақстан өнер колледжі» КМҚК базасында «Қазақ ұлттық билері мектебінің әдістемесі: Жаңа қойылым, жаңа тәсіл» облыстық практикалық семинар өтті.

Практикалық семинардың мақсаты - қазақ ұлттық билерін оқытып-үйретудің дәстүрлі және жаңа әдістемелік нұсқауларын қарастыра отырып, би техникасын нығайту.

Практикалық семинар жұмысына музыкалық мектептердің, өнер мектептерінің биінен 32 оқытушы және облыстың жалпы білім беретін мектептері мен облыстық мектептерінің би үйірмелерінің жетекшілері қатысты.

2 күндік семинар барысында С. Аманжолов атындағы ШҚМУ тәрбие бөлімінің маманы, Республикалық және халықаралық конкурстардың лауреаты, ШҚО «Айсофи» және «Ертіс» би ансамбльдерінің жетекшісі, жоғары санатты педагог-хореограф Т. О. Қожахметов теориялық және практикалық сабақтар өткізді. Шеберлік-сынып барысында облыс педагогтеріне қол, аяқ, халық, классикалық және қазіргі заманғы бидегі корпус ұстанымдары түсіндірілді, қазақ және халық билерін қоюда қолданылатын лексика мен терминологияның негізгі ұғымдары түсіндірілді; хореографиялық қойылымдарға арналған музыкалық материалды қалай дұрыс таңдау керектігі айтылды. Семинарда би пәнінің мұғалімдері мен үйірме жетекшілеріне кіші, орта, жоғары би ұжымдарында арнайы кәсіби моториканы дамытуды оқыту әдістемесі, биді дұрыс қою және суретті, лексиканы, әдеби және сюжеттік бейнені талдау, көпшілік қойылымдарда, алаңдық іс-шараларда хореографтың жұмысын ұйымдастыру және әдістемесі көрсетілді.

Практикалық семинар қорытындысы бойынша барлық қатысушыларға сертификаттар берілді.