«Білім беру ұйымдарындағы білім беру менеджменті: Басшының басқару құралдарының арсеналы» облыстық онлайн-семинары

Білім беруді басқару - білім беру мақсаттарына қол жеткізуге бағытталған  әдістер, құралдар, әдістер мен принциптердің жиынтығын қолдана отырып субъект-субъектілік қатынастарға негізделген менеджмент.

ШҚО ББ «Шығыс» өңірлік орталығы жылдық жоспарға сәйкес 2022 жылғы       17 наурызда «Білім беру ұйымдарындағы білім менеджменті: Басшының басқару құралдарының арсеналы» атты облыстық онлайн-семинар өткізді.

Мақсаты: білім беру ұйымдары басшыларының басқару, ұйымдастыру, инновациялық және әдістемелік салалардағы кәсіби шеберлігін жетілдіру, білім беру процесін басқаруды жетілдіру есебінен білім беру сапасын арттыру.

Семинарға аудандық (қалалық) білім бөлімдерінің әдістемелік кабинет меңгерушілері, мектеп директорлары қатысты.

Бүгінгі таңда білім берудегі менеджмент - бұл оқыту жүйесінің тиімділігін арттыруға бағытталған тәсілдер мен әдістер, формалар мен принциптер жүйесі. Білім берудегі менеджменттің функциясы ұйымдастыру, жоспарлау, ынталандыру және бақылау болып табылады.

Семинар барысында: Ы. Алтынсарин  атындағы білім академиясының аға ғылыми қызметкері Беришова Лаура Бауыржанқызы, мектептегі таратылған көшбасшылық туралы, көшбасшылықты жетілдіру әлеуетін құру және нығайту туралы баяндады;

 «Ұлттық Ұстаз» онлайн академиясының директоры, Курганбаева Гульмира Аманжоловна «2022 жылы білім беру жүйесі басқарушыларының трансформациясы: кері жол жоқ» тақырыбында, басшыларды дайындаудағы негізгі үрдістерді, басқарушылық проблемаларды және Қазақстандағы білім беру ұйымдарында басқарушылардың құзыреттерін қалыптастыру тәсілдерін атап өтті;

ҚР Президенті жанындағы Мемлекеттік басқару академиясының ШҚО бойынша филиалының аға оқытушысы, Берекполова Гүлфия Октябревна «VUKA мир: заманауи білім беру менеджментіне сын-тегеуріндер» баяндамасында спикер заманауи басқарушының портретін, VUKA – әлемнің сын-тегеуріндері мен талаптарын көрсетті.

Семинар соңында кері байланыс ұйымдастырылды - спикерлер қатысушылардың сұрақтарына жауап беріп, қорытынды жасады.