Акция «Мектепке апарар жол»  

"Мектепке апарар жол" Республикалық акциясы шеңберінде облыстың жалпы білім беретін мектептерінде мектеп ортасында құқықтық сауаттылықты арттыруға, оқушылардың құқықтық санасын қалыптастыруға және жауапты мінез-құлық пен салауатты өмір салты дағдыларын дарытуға, Қауіпсіз мектеп ортасын құруға бағытталған түрлі іс-шаралар өткізіледі.

"Қазцинк" компаниясының акция өткізуге белсенді қатысуы игі дәстүрге айналды. ШҚО ПД жергілікті полиция қызметі басқармасымен, ШҚО білім басқармасымен бірлесіп, "Дарын" ШҚ ҒӨО-ның көмегімен бастауыш сынып балаларына көшеде, жолда, мектепте қауіпсіз жүріс-тұрыс бойынша жадынамалар әзірленді .

Жүріс-тұрыс қауіпсіздігінің негізгі ережелері бар 26 000-нан астам парақшалар Өскемен, Риддер қалаларының және Алтай ауданының төменгі сынып оқушыларына тапсырылады.

Бүгін, 2021 жылдың 30 қыркүйегінде Өскемен қаласының бастауыш сынып оқушыларына жоғарыда аталған ұйымдардың өкілдері жадынамалар табыс етті.