Қазақстан Республикасы Тәуелсіздігі күнінің 30 жылдығына арналған «Бояулар құпиясы» жас суретшілердің шығармашылық байқауының облыстық кезеңін қашықтықтан өткізу туралы АНОНС

2021 жылғы 8 қырқүйекте Шығыс Қазақстан облысы білім басқармасының жұмыс жоспарына сәйкес «Дарындылық пен қосымша білім беруді дамытудың Шығыс Қазақстан өңірлік ғылыми-әдістемелік «Дарын» орталығы» «Бояулар құпиясы» жас суретшілердің шығармашылық байқауының облыстық кезеңін қашықтықтан өткізеді.

Байқаудың мақсаты - жас суретшілердің эстетикалық, гуманистік және патриоттық сезімдерін, әлемдік және отандық көркем мәдениет дәстүрлеріне жеке қызығушылығын тәрбиелеу.

Байқауға қосымша білім беру ұйымдарының, дарынды балаларға арналған облыстық мамандандырылған мектептерден 2004 - 2011 жылдары туылған 10 - 17 жас (18 жасқа дейін)  аралығындағы аудандық/қалалық кезеңнің жеңімпаздары қатысады.

Байқау келесі номинациялар бойынша өткізіледі:

1) «Тәуелсіздік Қазақстан – балалар көзімен» жас суретшілердің көрмесі;

2) жас суретшілер сайысының номинациялары.

Байқаудың жеңімпаздары дипломдармен марапатталады. Барлық қатысушыларға сертификаттар табысталады.

Облыстық кезеңнің жеңімпаздары байқаудың республикалық кезеңіне Шығыс Қазақстан облысының атынан қатысады.

Қосымша ақпаратты келесі мекенжай бойынша алуға болады:
 Өскемен қаласы, Абай даңғылы, 21 ДҚББД ШҚ ҒӘ Дарын орталығы, немесе 8 (7232) 75-26-91 телефоны.