Шығыс Қазақстан облысы педагог қызметкерлерінің «Білімді ұлт – тұрақты даму кепілі» тамыз конференциясы аясындағы «Мектептің әлеуметтік - психологиялық қызметін тиімді ұйымдастыру жолдары, іс-тәжірибелер мен жаңашылдықтар» панельдік сессия отырысы

2021 жылғы 20 тамызда Шығыс Қазақстан облысы білім басқармасының «Шығыс» өңірлік орталығы Шығыс Қазақстан облысы педагог қызметкерлерінің тамыз конференциясы аясында аудандық, қалалық білім бөлімдерінің әдіскерлері, мектептің педагог-психологтері мен әлеуметтік педагогтеріне «Мектептің әлеуметтік - психологиялық қызметін тиімді ұйымдастыру жолдары, іс-тәжірибелер мен жаңашылдықтар» панельдік сессия отырысын өткізді.

Сессия жұмысы барысында:

Тагиева Индира Таваккул-кызы Жарма ауданы білім бөлімінің «Маяковский атындағы орта мектебі» КММ педагог-психологі «Педагог-психологтің кәсіби қызметі туралы мониторинг»;

Кабидолдина Альмира Тлеухановна Өскемен қаласы білім бөлімінің «Заки Ахметов атындағы №16 орта мектебі» КММ директордың әлеуметтік ісі жөніндегі орынбасары «Мектептің әлеуметтік жұмысын ұйымдастырудың тиімді жолдары»;

Рахимжанова Меруерт Салимовна Семей қаласы білім бөлімінің «№23 орта мектебі» КММ педагог-психологі «Мектептегі кәсіби бағдар беру жұмысын тиімді ұйымдастыруда педагог-психологтің ерекшеліктері» тақырыптарында іс-тәжірибелерімен бөлісті.

Кубентаева Ардак Курмангазиновна, ШҚО ББ «Шығыс» өңірлік орталығының психолог-әдіскері «2021-2022 оқу жылында Қазақстан Республикасының орта білім беру ұйымдарында оқу процесін ұйымдастырудың ерекшеліктері туралы» әдістемелік нұсқаулық хатпен таныстырды.

Аталған іс-шараға Шығыс Қазақстан облысының 100 педагогы қатысып, әдістемелік ұсынымдар алды.

Кері байланыс барысында қатысушылар қойылған сұрақтарға толыққанды жауап алып, ұйымдастырушыларға ризашылықтарын білдірді.