«Juldyzaі – жеңіске жетуді үйретеді!»

2021 жылғы сәуір айында Қазақстан Республикасы Тәуелсіздігінің 30 жылдығына арналған онлайн режимінде ерекше білім беру қажеттіліктері бар балаларға арналған «Juldyzaі» XVI Халықаралық балалар шығармашылығы фестивалінің  аймақтық турының қорытындысы шығарылды.

10-нан 18 жасқа дейінгі аймақтың 100-ге жуық жас таланттары онлайн-фестивальға 4 номинация бойынша қатысты: вокал, хореография, ыммен және аспаптық орындау.

Онлайн-фестиваль қорытындысы бойынша бірінші жүлделі орындарды «№3 арнайы мектеп-интернат» КММ және «Ақ ниет» мектеп-интернаты» КММ тәрбиеленушілері иеленді.

Ал Халықаралық кезең - 25 сәуір мен 25 мамыр аралығында өтті және онлайн-байқауға 129 өтінім келіп түсті, оның ішінде 19-ы Ресей, Грузия және Өзбекстан сияқты шетелдік қатысушылардан келді. Халықаралық кезеңге дамуында ерекшеліктер бар 379 балалар мен жасөспірімдер қатысты.

Халықаралық кезеңнің қорытындысы бойынша ШҚО ББ «№3 арнайы мектеп-интернаты» КММ-нің дарынды оқушылары үздік өнер көрсетіп жүлделі орындарды жеңіп алды.

11«а» сынып оқушылары Нурсапина Аругүл мен Жомарт Аружанның орындауында «Кумушки» орыс халық биі «Хореография» номинациясы бойынша  жүлделі І-ші орынға ие болды. Жетекшісі Степанова Нафиса Казбековна.

«Аспапта ойнау» жанры бойынша 10«б» сынып оқушысы Жұмабеков Данияр мен 12-ші сынып оқушысы Ғизатолла Бағдат, Құрманғазы Сағырбайұлының «Адай» күиін орындап ІІІ-ші орынды жеңіп алды. Жетекшісі Сейфуллина Қарлығаш Советовна.